بالیۆزێ ئەمریکا ل عێراقێ ڕاگەهاند، وەلاتێ وی نەڤێت ئالوزی دگەل ئیرانێ هەبیت، ب تایبەتی ل ناڤ ئاخا عێراقێ.
ئەڤرۆ شەمبی، نڤیسینگەها ڕاگەهاندنا ئاسایشا نەتەوەیا عێراقێ ڕاگەهاندنەک بەلافکر و تێدا هاتیە، قاسم ئەعرەجی شێورمەندێ ئاسایشا نەتەوەیا عێراقێ پێشوازی ل ماتیۆ تولەر بالیۆزێ ئەمریکا ل عێراقێ و جەنەڕال پۆل کالڤەرت فەرماندێ هێزێن هەڤپەیمانیا ناڤدەولەتی دژی داعشێ کر.
ل گورەی ڕاگەهاندنێ، ماتیۆ تولەر تەکەز کریە لسەر هندێ کو ئەمریکا پێشوازیێ ل هەر نووچەیەکێ دیپلوماتی دکەت بۆ ئاسایی کرنا پەیوەندییان دگەل ئیرانێ و دبێژیت، “ئەمریکا ئالوزی دگەل ئیرانێ نەڤێت، ب تایبەتی ل ناڤ ئاخا عێراقێ”.
ڕاگەهاندنێ ئاماژە ب وێیەکێ ژی کریە، ژ ئالیێ خۆ بالۆیزخانەیا ئەمریکا ل بەغدا، بەحسا وێیەکێ کریە کو فەرماندەیێ هێزێن هەڤپەیمانیا ناڤدەولەتیا دژی داعشێ، جەنەڕال پۆل کالڤەرت هایدارکریە ژوێ کو دیڤداچوونێ بکەت بۆ لهەڤهاتنا دناڤبەرا بەغدا و واشنتۆنێ تایبەت ڤەکێشانا هێزێن شەڕکەرێن بیانی ل عێراقێ هەیا داویا ئەڤسالە و تەکەزی ژی کریە ژوێ کو هەفپەیمانیا ناڤدەولەتیا دژی داعش دێیا بەردەوام بیت ژ پشتەڤانیکرنا ل عێراقێ ل شەڕێن دژی وان گرۆپێن چەکداری.
ئەڤە ددەمەکیدایە، حەفتیا دەربازبووی مەستەفا کازمی سەرۆک وەزیرێن عێراقێ ب سەرەدانەکا نەچاڤەڕێکری ب مەرەما بڕێڤەچوونا گەڕا چارێ و داوی گۆتۆبێژێن ستراتیژی دەربارەی ڤەکێشانا هێزێن شەڕکەرێن ئەمریکا گەهشتە واشنتۆنا پایتەختێ ئەمریکا و ژ ئالیێ جۆ بایدن سەرۆکێ وی وەلاتی پێشوازی لێ هاتە کرن.
Comments are closed, but trackbacks and pingbacks are open.