تۆھمەتبارەک ل ھەمبەری رێڤەبەراتیا ھاتنوچوونێ تەقەیێ ل کارمەندێن ھاتنوچوونا ھەولێرێ دکەت
فازڵ حاجی، پەیڤدارێ رێڤەبەراتیا ھاتنوچوونا ھەولێرێ راگەھاند: پشتی دووبارەبوونا دیاردەیا دزینا ماتۆڕسکلێن وەڵاتیان ل ھەمبەر پشکا مۆلەتا شوفێریێ، پشتی دیڤچوون بۆ ھاتیەکرن چەند کارمەندێن ھاتنوچوونێ ل پشکا مولەتا شوفێریێ ئەرکێ دەستەسەرکرنا تۆھمەتباران پێ دھێتە دان ددەمێ زینا ماتۆڕسکلاندا، ل دەمژمێر ١١ێ بەری نیڤرۆ شیان کەسێ تۆھمەتبار دەستنیشانبکەن.
گوت ژی،” ددەمێ بزاڤکرن بۆ دەستەسەرکرنا وی، ئەو تۆھمەتبارە روویبرووی کارمەندێن رێڤەبەراتیا ھاتنوچوونا ھەولێرێ بوویە و تەقەکریە، د ئەنجامدا کارمەندەکێ پشکا مولەتا رێڤەبەراتیا ھاتنوچوونێ برینداربوو، ئەو تۆھمەتبارە ژی ھاتە دەستەسەرکرن”.
رێڤەبەراتیا ھاتنوچوونا ھەولێرێ داخوازێ ژ وان وەڵاتیان دکەت یێن ماتۆرسکلێن وان ھاتینە دزین، سەرەدانا رێڤەبەراتیا ئاسایشێ بکەن بۆ تۆمارکرنا سکاڵایێ ل دژی تۆھمەتباری.
Comments are closed, but trackbacks and pingbacks are open.