ئەڤرو حەفتەمین ساڵیادا كومكوژیا شنگالێ یە كو ل سالا 2014 ژلایێ چەكدارێن داعشێڤە هاتبوو ئەنجام دان ب هزاران خەلكێ شنگالێ هاتنە كوشتن و ڕەڤاندن و دەربەدەربوون و پڕانیا وان زارۆك و ژن بوون.
لگورەی ڕاپورتێن چاڤدێرێن ناڤخۆ و ناڤدەولەتی ڕەوشا شنگالـێ چ باشبونەك ب خۆڤە نەدیتیە پشتی ڕزگاركرنا وێ ل سالا 2015ێ و تا نوكە گەڕیان لدویڤ گوڕێن ب كۆمی یا بەردەوامە.تانوكە تاخ و مالێن وان ب بەتاڵی ماینە و یان دناڤا كەمپاندا دژین یان پێكۆلا دەركەتتن ژ عێراقێ بەرەڤ ژیانەكا نوی د گەڕن.
ل 3ێ ئابا سالا 2014ێ چەكدارێن داعشێ توندرین تاوانا خۆ ئەنجامدا و ب هزاران كچ و ژن گولەباران كرن و ڕەڤاندن و تا نوكە ژی چارەنڤیسێ گەلەك ژ وانا نە یێ دیارەز
ل ئادارا سالا بووری ل پەرلەمانێ عێراقێ بڕیارەكا تایبەت گرێدایی ب ئێزدیان دەركر كو تێدا قەرەبوویا وان كەسێن هاتینە ڕەڤاندن بهێتە كرن و پارچە زەڤیان پێبدەن و كار ئاسانیا خواندنێ بۆ بكەن و بهێنە دامەزراندن و كوژمەكێ پارەیی وەك مووچەی بۆ تەرخان بكەن داكو بشێن جارەكا دی دناڤا جڤاكیدا خۆ بگونجینن.
برێكارێ ئێزدیان میر جەوهەر عەلی ڕاگەهاند: ئەو بڕیارا ل پەرلەمانێ عێراقێ هاتیە دەرئێخستن هێشتا نە چوویە د بوارێ جێبجێكرنێدا و د نوكە دا شنگال بوویە ململانا لایەنێن سیاسیێن ناڤخۆ یێن هەرێمی دناڤبەرا پەكەكێ و حەشدا شەعبی و گرۆپێن چەكدار كو ڕێ ل پێشكەتنا شنگالـێ گرتییە.
Comments are closed, but trackbacks and pingbacks are open.