زێ بادینان
وەزارەتا كۆچ و كۆچبەرێن عیراقێ ڕاگەهاند، هەتا نوكە 600 هزار خێزانێن ئاوارە ڤەگەڕایاینە سەر ماڵ و دەڤەرێن خۆ.
عەلی عەباس جیهانگیر پەیڤدارێ وەزارەتا كۆچ و كۆچبەرێن عیراقێ د داخۆیانیەكێدا ئاشكرا كر، 37 هزار خێزانێن ئاوارە ماینە ل كەمپێن ئاوارەیان لهەرێما كوردستانێ و بڕیارە ل دەمەكێ نێزیك ڤەگەرنە سەر سەر ماڵ و دەڤەرێن خۆ، و ناڤبری دا زانین، پڕانیا ئاوارێن ماینە دناڤ كەمپاندا خەلكێ قەزا شنگالێ نە.
عەلی عەباس جیهانگیر خۆیاكر، ل گور وان ئامارێن ژلایێ وەزارەتا كۆچ و كۆچبەرانڤە هاتینە تۆماركرن ، هەتا نوكە 600 هزار خێزانێن ئاوارە ڤەگەڕیاینە دەڤەرێن خۆ.
ژبەر هێرش و پەلەمارێن داعش بۆ سەر پشكەكا دەڤەرێن عیراقێ ل هاڤینا 2014ێ نێزیكی 5 ملیۆن و 500 هزار عیراقی ئاوارەبوون كو پشكەك وەك پەنابەر روی ل وەلاتێن هەڤسی و وەلاتێن ئەورۆپا كرینە.
Comments are closed, but trackbacks and pingbacks are open.