وەزیرێ دەرڤەیێ عێراقێ، فوئاد حوسێن بانگھێشتنامەیەكا سەرۆکوەزیرێن وەڵاتێ خۆ، مستەفا کازمی گەهاندە شاهێ سعوودیە، سەلمان بن عەبدولعەزیز ب مەرەما بەشداریکرنێ د کۆمبوونا كوپیتكا سەرکردەیێن وەڵاتێن هەڤسوویێن عێراقێ.
وەزارەتا دەرڤەیا عێراقێ د ڕاگەهاندنەكێدا ئاماژە ب وێ یەكێ دایە کو فوئاد حوسێن د چوارچووڤەیێ سەرەدانا وی بۆ ڕیاز دگەل وەزیرێ دەرڤەیێ سعوودیە، فەیسەڵ بن فەرحان کۆمبوویە.
لگورەی ڕاگەهاندنێ د کۆمبوونێدا، سەبارەت ب چەوانیا بهێزكرنا پەیوەندیێن دناڤبەرا عێراق و سعوودیە، گوت و بێژ كرینە، ھەروەسا ڕژدی ل وێ یەكێ كرییە كو پێدڤییە پێكولان چڕتر بکەن ب ئارمانجا چارەسەرکرنا قەیرانان ل دەڤەرێ.
ڕاگەهاند ژی كو وەزیرێ دەرڤەیێ عێراقێ، فوئاد حوسێن بانگھێشتنامەیەكا سەرۆکوەزیرێن وەڵاتێ خۆ، مستەفا کازمی ب ڕێكا وەزیرێ دەرڤەیێ سعوودیە، فەیسەڵ بن فەرحان گەهاندییە پاشایێ ئەوێ وەڵاتی، سەلمان بن عەبدولعەزیز ب مەرەما بەشداریکرنێ د کۆمبوونا كوپیتكا سەرکردەیێن وەڵاتێن هەڤسوو یێن عێراقێدا کو چاڤەڕێ دهێتەكرن ل دوماهیكا ئەڤێ بهێتە گرێدان.
Comments are closed, but trackbacks and pingbacks are open.