کەرتێ پەلەوەری ل ھەرێما کوردستانێ مەترسیا ژ ناڤچوونێ لسەرە و سەرۆکێ کێلگەھێن پەلەوەری ژی دبێژیت، خودان پرۆژەیێن پەلەوەری بەرەڤ ژناڤچوونێ دچن و چ لایەنەک خۆ ناکەتە خودانێ وی کەرتی.
نازم عوبدوڵا، سەرۆکێ کۆمەڵگەھا کێلگەھێن پەلەوەری راگەھاند: دنھادا کەرتێ پەلەوەری ب تەمامی مەترسا ژناڤچونێ لسەرە و چ لایەنەک خۆ ناکەتە خودانێ وی کەرتی کو دەرفەتا کاری بۆ ھزاران خێزانان پەیداکریە.
گوت ژی،” بەردەوام بھایێ عەلەفی لسەر خودانێن پرۆژەیان بلند دبیتن بێی چاڤدێری لسەر کارگەھێن درۆستکرنا عەلەفی ھەبیت، ماوێ چەند مەھانە بھایێ ئێک تەنا عەلەفی ژ ٤٥٠ دۆلاران بۆ ٥٥٠ دۆلاران بلندبوویە، بھایێ چیچکەکێ ژ ٣٠ سەنتا بۆ ٨٥ سەنتان بلندبوویە”.
ئاشکەرا ژی کر، ماوێ سێ ساڵانە داخوازێ ژ حکومەتێ دکەن بھایی بۆ پەلەوەران دیاربکەن و ب شێوەیەکێ سیستەمکری وی کەرتی ژ ناڤچوونێ بپارێزیت، لێ بزاڤێن وان وەکی پێـڤی نینن و ئەو کەرتە بەرەڤ ژناڤچوونێ دچیت.
Comments are closed, but trackbacks and pingbacks are open.