پارتى ( 75 ) ساله پارێزه‌را پیرۆزیێن نه‌ته‌وى و نشتیمانی
غیاس خالد زێبارى
هه‌ر گه‌ل و نه‌ته‌وه‌یه‌كى پیرۆزیێن خۆ هه‌نه، مینا خاخ، ئاڵا ، زمان و ملله‌ت و …هتد خه‌لكێ كوردستانێ جودا ژ زۆر گه‌ل و ملله‌تان سه‌ره‌راى ڤان پیرۆزیان هنده‌ك پیرۆزیێ، دیتر یێن تایبه‌ت مینا رێباز، پێشمه‌رگه، سمبۆل .
ئه‌ڤ هه‌مى پیرۆزیه ملكێ، گشتى نه و پاراستنا وان پێتڤیه‌كا به‌رده‌وامه لسه‌ر هه‌مى تاكێن جڤاكى و رێكخستنێن سیاسى و جڤاكى و جه‌ماوه‌ى و پیشه‌یى و بێ رێزى به‌رامبه‌ر وان بڤڤه‌بوونه‌كا دژواره .
دوژمنێن كورد و كوردستانیا هه‌رده‌م هه‌مى شیانێن خۆ ته‌رخان كرینه و تێكۆشین كریه بۆ نه‌هێلانا ڤان پیرۆزیا و دوورئێخستنا خه‌لكى لڤان پیرۆزیا .
له‌وما دڤان جڤاكێ كوردستانێ دا به‌ڕه‌ڤانیكرن لڤان پیرۆزیا ئه‌ركه‌كێ گرانه و پێتڤى ب بریاره‌كا وێره‌كانه‌یه و قۆربان پێدڤێن .
پارتى دیموكراتى كوردستان هه‌ر ل دامه‌زراندنا خۆ به‌رى حه‌فتێ و پێنج سالا پاراستنا ڤان پیرۆزیا و خه‌باتا ژ پێخه‌مه‌ت ئازادى و رزگاریێ ب ئه‌ركێ خۆ زانى یه و قۆربانیێن بێ هژمار داینه .
ئه‌ڤه ژى ژ ڤه‌رێژا رێبازا بارزانى یه ئه‌و رێبازا ب ده‌هان سالا به‌رى دامه‌زراندنا پارتى دیموكراتى كوردستان هه‌مان رێك گرتى، ئه‌و رێبازا مرۆڤایه‌تیێ و نه‌ته‌وایه‌تیێ ئه‌وا پارتى لسه‌ر هاتیه دامه‌زراندن و هه‌تا نهو پێشه‌وایه‌تیێ لێ دكه‌ت .
ئاخا كوردستانێ ئێكه ژ وان پیرۆزیان ئه‌وا هه‌رده‌م پارتى به‌ره‌ڤانى لێكرى و باوه‌رى ب وان سنوورێن ده‌ستكرن نیه ئه‌وێن داگیركارا كوردستان لسه‌ر دابه‌شكرى .
دیرۆكا چه‌كدارى و ئاشتى یا پارتى سه‌لماندى یه كۆ به‌ره‌ڤانیكرن ل ئاخا كوردستانێ بریاره‌كا ئێكلاكه‌ره و موساوه‌مه لسه‌ر ناهێته‌كرن هه‌ر بۆسته‌كا ئاخا كوردستانێ لبن مه‌ترسیا داگیركرنێ بیت پارتى به‌ره‌ڤانى لێكریه و خه‌تیرا شۆره‌شێ گه‌هاندى یێ ، لده‌مێ دانۆستاندنان ژى ب هه‌مان شێوه به‌ره‌ڤانى ل ئاخاپیرۆزا كوردیتانێ كریه ، چه‌سپاندنا ده‌ستوورێ هه‌رده‌مێ عیراقێ لسه‌ر بنه‌مایێ فیدرالیا دیرۆكى و جۆگرافى ژئه‌نجامێ پێداگیریا پارتى و سه‌رۆك بارزانى بوویه .
ئاڵایێ پیرۆزێ كوردستانێ ژى كۆ هه‌مى كورد و كوردستانیێن نشتیمان په‌روه‌ر شانازیێ پێ دبه ژ ئه‌نجامێ خه‌بات و قوربانی و داكۆكیێن پارتى هه‌تا نهو هاتیه پاراستن هه‌ر ل پشتى هه‌رفاندنا كۆمارا كوردستان ل مه‌هابات هه‌تا ئه‌ڤرۆ كۆ بوویه ئاڵایه‌كێ فه‌رمى و ده‌ستوورى و دانپێدانكرى و ل مه‌حافلێن فه‌رمى دگه‌ل ئاڵایێن وه‌ڵاتان دهێته بلندكرن .
رێباز ئانكۆ رێبازا بارزانى ئه‌و رێبازا مرۆڤایه‌تیێ و نشتیمان په‌روه‌ریێ و خۆڕاگریێ و خۆ نه‌چه‌ماندنێ دیسان لسه‌ر ده‌ستێ سه‌رۆك مه‌سعوود بارزانى و پارتى دیموكراتى كوردستان درێژه ب وان بنه‌مایا دایه و كوردستان كریه بنگه‌هێ ئازادایخوازیێ و ئاشتیێ و پێكڤه ژیانێ و ژینگه‌ه پارێزیێ د ده‌ڤه‌ره‌كا ڤۆلكانى دا .
پێشمه‌رگه‌هــ ئانكۆ هێزا چه‌كدارایا ئازیخوازیا كوردستانى ب هه‌بوونا پارتى و پشته‌ڤانیا سه‌رۆك بارزانى ل هێزه‌كا پارتیزانى یا ناڤخۆیا كوردستانى بوویه هێزه‌كا رێكخستى و دیسپلینكرى و فه‌رمى و نیڤ ده‌وله‌تى .
زۆر وه‌لات و لایه‌نێن باوه‌رى ب پێشمه‌رگه‌هێن كوردستانى نه و ب میلیشیا د دیتن ئه‌ڤرۆ وه‌كى هێزه‌كا چكداریا فه‌رمى سه‌ره‌ده‌ریێ دگه‌ل دكه‌ن و وه‌ڵانێن زلهێز و سازیێ، نیڤ ده‌وله‌تى ب پارێزه‌رێن مرۆڤایه‌تیێ د ده‌نه نیاسین .
ژبلى پیرۆزیێن دیتر ئه‌وێن ب هه‌بوونا پارتى و رێبازا بارزانى و خه‌بات و قوربانیێن وێ هه‌تا نهو دهێنه پاراستن و پێشڤه‌برن مینا زمانى و كلتۆرێ ڕه‌سه‌ن و ئاشته‌وایێ و لێبۆرینێ و ….. هتد
بۆ گه‌لێ كورد و كوردستانیا شانازیه‌كا هه‌ره مه‌زنه كۆ خودان ئه‌ڤ رێبازه‌یه كۆ نێزیكى ( 150 ) و پارتى دیموكراتى كوردستانه كۆ (75 ) ساله به‌ره‌ڤانیێ ل ڤان پیرۆزیا دكه‌ت و ب خه‌بات و قوربانیدانا وان هاتینه پاراستن و ده‌سكه‌فتێن هه‌ره مه‌زن یێ، نه‌ته‌وى و نشتیمانى بده‌ست ئینانه و پێنگاڤێن مه‌زن و وێره‌كانه بۆ ده‌سكه‌فتێن مه‌زنتر هاڤێتینه مینا راپرسیا سه‌رخۆبوونا كوردستانێ و به‌ره‌ڤانیا به‌رده‌وام ل قه‌وارێ هه‌رێما كوردسیتانێ و زاڵبوون بسه‌ر پیلانێن نیڤ ده‌وله‌تى و هه‌رێمایه‌تى و ناڤخۆیى و پێشڤه‌برنا پرس و دۆزیا سیاسى یا كوردستانى .
حه‌فتێ و پێنج ساڵیا پارتى حه‌فتێ و پێنج ساڵیا پاراستنا پیرۆزیێن خه‌لكێ كوردستانێ ، له‌وما خه‌لكێ كوردستانێ ژى ڤێ هه‌لكه‌فتێ پیرۆز دبینیت .
Comments are closed, but trackbacks and pingbacks are open.