وەزارەتا ساخلەمییا عیراقێ دبێژیت: داكو زۆرترین هژمارا وەلاتییان ب ڤاكسینێ دژی كۆرۆنایێ بهێتە ڤاكسیندان، وەزارەتێ ستراتیژییەكا نوی هەیە و ل بەرە سەرەدانا مال و جهێن گشتی بكەت، نەخاسمە ژی وان جهێن هژمارەكا زۆر یا وەلاتییان لێ دئاكنجینە.
روبا فەلاح ئەنداما تیما راگەهاندنێ ل وەزارەتا ساخلەمییا عیراقێ راگەهاند: هەكە د دەمەكێ دەستنیشانكری دا نەگەهینە وێ هژمارا وەلاتییان یێن دڤێن بهێنە ڤاكسیندان، وەزارەت ب هاریكارییا دام ودەزگەهێن حكومی و رێكخراوێن جڤاكێ مەدەنی دێ ستراتیژییەكا نوی ب كار ئینیت و تیمێن ساخلەمیێ دێ سەرەدانا مالان و جهێن گشتی كەن داكو زۆرترین وەلاتی بهێنە ڤاكسیندان.
گۆت ژی: داكو ب كۆم بەرگریێ دژی ڤایرۆسێ كۆرۆنایێ پەیدا كەین، پێدڤییە 60% ێ یا وەلاتییان بهێنە ڤاكسیندان، لێ هێشتا نێزیكی وێ رێژەیێ نەبووینە.
Comments are closed, but trackbacks and pingbacks are open.