دهۆك.. 123 هزاران قورچا ئێكێ و 53 هزاران قورچا دویێ وه‌رگرتینه
مەسعود حەسەن، بەرپرسێ ئای تی ( iT ) ڤاکسینا کۆرۆنایێ ل ساخلەمیا دهۆکێ راگەهاند: ل پارێزگەها دهۆکێ 41 بنگەهێن ڤاکسین دانانێ هەنە، د پلان دا یه ل هەموو قەزا و ناحیەیێن سەر پارێزگەها دهۆکێ بۆ دەمێن سپێدێ و ئێڤاری ڤاکسین بهێتە دانان.
گۆت ژی: بەری نها بنگەهێ هولا وەرزشی یا پەروەردا رۆژئاڤا تایبەت بوو ب ماموستایێن پەروەردێ و خواندنا بلند، لێ نها هەمی وه‌لاتی دشێن ناڤێ خوە ل ڤی بنگەهی تومار بکەن بۆ وەرگرتنا ڤاکسینی.
ناڤهاتی گوت ژی: تا نها 123 هزار کەسان قورچا ئێكێ، 53 هزاران هەردو قورچێن ڤاکسینی وەرگرتینە ب گشتی 177 هزار قورچێن ڤاکسینێ هاتینە دان و گۆت ژی: بێ خوە تومارکرن ڤاکسین ناهێتە دانان.
ئاشكه‌را ژی کر: ئاریشا زوو نەهاتنا نامێ بۆ وەرگرتنا ڤاکسینی بۆ وێ چەندێ ڤەدگەریت کو هندەک بنگەها فشارەکا زێدە لسەر دروست بوویە، وەرگرتنا ڤاکسینی ژی ل دوف ژیێ مرۆڤی و تەخێن پێدڤیە ڤاکسینی وەرگریت نامە زوو بۆ دچن و داخواز ژ خه‌لكی كر، هەر کەسێ لسەر ژمارەیا تلەفونێ ناڤێ خوە تومار بکەن بۆ وەرگرتنا ڤاکسینی. ، تا نها 122 هزار کەس چاڤەرێنە ڤاکسینی وەرگرن.
Comments are closed, but trackbacks and pingbacks are open.