شێورمەندێ ئابوری یێ سەرۆکوەزیرێن عێراقێ ڕاگەهاند، بۆ پشتگرێدان ب وزەیا پاقژ و چارەسەرکرنا ئاریشا کێمیا کارەبێ د وەلاتی دا، عێراقێ گرێبەستەک دگەل کومپانیەکا فرەنسی گرێدایە بۆ بەرهەمئینانا ژ١٠ هزار مێگاواتێن کارەبێ ژ وزەیا رۆژێ.
مەزهر محەمەد سالح شێورمەندێ ئابوری یێ سەرۆکوەزیرێن عێراقێ ئاماژە ب وێیەکێ کر، بکارئینانا ڤێ ئاراستەی ل دەڤەرێن گوندنشین کارەکێ زور پێتڤیە بڤێ یەکێ ژی کو دشێن وزەیا رۆژێ ل وێ دەڤەرێ بۆ هەر مالەکێ دابنین بۆ وێیەکێ کارەبا پێتڤێ و ب رەنگەکێ تاک بۆ وان بەرهەمبینیت.
گوتژی، سیاسەتا عێراقێ هاتیە گەهرین و ئێدی پشتا خۆ ب وزا پاقژا رۆژێ دبەستیت بۆ وێیەکێ بکاریت مل ب ملێ وزەیا سوتەمەنیێ ب راوەستین، ئەڤ کارە ژی تا رادەکی ب ساناهی نینە و پێتڤی ب بەرهەمئینانێ یە کو دەمێ وێ دێ دناڤبەرا سێ بۆ پێنج سالێن دی دا بیت.
مەزهر دیارژی کر، حکومەتا عێراقێ بەرامبەر دوو رێکا دا یە، ئێکەم هنگاڤ هاڤێتن ب رێکا کەرتێ تایبەت، رێکا دووێ ژی بریتیە ژ سیاسەتا ب دەستڤە ئینانا وزەیا جهگیر.
عێراق نها پێتڤی ب نێزیکی ٣٠ هزار مێگاواتێن کارەبێ یە، لێ ل ڤان دوماهیان بەرهەمئینانا کارەبێ ل وی وەلاتی بۆ ١٣ هزار و ٥٠٠ مێگاواتان داکەت.
ئێک ژ ژێدەرێن عێراقێ بۆ دابینکرنا کارەبێ، وەلاتێ ئیرانێ یە کو ب پێدانا گاز و کارەبێ ٤٠%ێ بەهەمێ کارەبا عێراقێ دابین دکەت، لێ هاڤینا گەرما ئەڤ سالە ئیران ژی توشی ئاریشا کێمیا کارەبێ کریە.
Comments are closed, but trackbacks and pingbacks are open.