لدور دەمێ هه‌لبژارتنا پەرلەمانێ عێراقێ، كازمى دگەل لایه‌نێن سیاسی دێ كۆم بیت

زێ بادینان.

لدور ئه‌نجامدانا هه‌لبژارتنا پێشوه‌خت یا په‌رله‌مانێ عێراقێ ل دەمێ دیاركریدا، سه‌رۆكوه‌زیرێن عێراقێ وسه‌ركرده‌یێن لایه‌نێن سیاسی دێ كۆم بن.

میدیایێن عێراقی بەڵاڤكرییه‌: هێز ولایه‌نێن سیاسی ب ئاماده‌بوونا مسته‌فا كازمی سه‌رۆكوه‌زیرێن عێراقێ، وبه‌رپرسێن كۆمسیۆنێ، ونوینەرێ ده‌ستهه‌ڵاتا دادوه‌ری وهنارتیێ نه‌ته‌وه‌یێن ئێكگرتی، دێ كۆم بیت.

ڕاگەهاند ژی: بڕیاره‌ كۆمبوون دڤێ حەفتیێ دا بڕێڤەبچیت وتێدا بڕیارا گرنگ لدور ئه‌نجامدانا هه‌لبژارتنا پێشوه‌خت یا په‌رله‌مانێ عێراقێ و دەمێ وێ بهێتەدانان.

هه‌روه‌سا ئاماژه‌ ب وێ یەكێ كرییە: بۆ به‌شداریكرنێ د كۆمبوونێدا، بانگهێشتنامه‌ ئاراسته‌ی ئه‌و هێز ولایەنان ژی كرییه‌، كو بایكۆتا هه‌لبژارتنان كرییە، كو تا نوكە موقته‌دا سه‌در یێ رێبه‌ری ره‌وتێ سه‌در، حزبا شیوعی یا عێراقی ونێزیكی 25 حزب ولایه‌نێن دی ژی یێن عێراقی ڤەكێشانا خۆ ژ هه‌لبژارتنان ڕاگه‌هاندییە.

مسته‌فا كازمی، سه‌رۆكوه‌زیرێن عێراقێ ب گڤاشتنا خۆنیشانده‌ران ڕۆژا 6-6-2021ـی بۆ ئه‌نجامدانا هه‌لبژارتنان دیاركر و پاشی كۆمسیۆنا هه‌لبژارتنێن عێراقێ ب هه‌ماهه‌نگییا یا جڤاتا وه‌زیران، دەمێ وێ بۆ ڕۆژا 10-10-2021 پاشئێخست.