بیریڤان خضر
هـەلکەفت دناڤا هەر مللەتەکی دا کارتیکرن و پیتەپێدانەکا تایبەت هەیە دناڤا مللەتان دا، کارتیکرن ل سەر پاشەڕۆژا وانکریە، چ ب ئەرێنی بن یان ژی نەرێنی بن. د دیروکا هەر مللەتەکی دا تێت تومار کرن .. ھەر سال خەلکێ ھەرێما کوردستانێ ژی ب گیانەکێ نەتەوی و ھەستەکا شۆرەشگێری بیرەوەریێن ئادار و نەورۆزێ ساخ دکەت چ بیرەوەری و ھەلکەفتێن ماتەمەینی بن یان ژی جەژن و سەرکەفتن، زۆربەرا رۆژێن مەھا ئادارێ بیرەوەری و ھەلکەفتێن گەلێ کوردن، لەوما ب مەھا بیرەوەری و ھەلکەفتێن کوردان دھێتە نیاسین..
– کوردا ژی چەندین هەلکەفت هەبووینە چ دل تەزین و چ دلخوش،
ژوان هەلکەفتان تایبەت ل مەها ئادارێ دانە، ئادار مەها داستانا مەزن و سەرکەفتن و نەهامەتیا هەیڤا خوراگێری و باوەری ب خو بوونا گەلێ کوردستانێ یە، ئادار سەرکەفتنا مەزنا گەلێ کوردە، وەکو یادا کێمیا بارانکرنا حەلەبچەیا شەهید، یادا راگەهاندنا رێکەفتنا یازدەیێ ئادارێ یە، هەر وەسا ئادار هەیڤا نەوروزێ یە و سەرێ سالا کوردی یە، راپەرینا مەزنا گەلێ کورد ل ئادارا 1991 پەیامەکا هەمیشەییە بــۆ هەمـی جیهانێ کـو گەلێ کورد ژێر دەستیێ قەبول ناکەت و ل دژی ستەمکار و داگیرکاران رادوەستن و ل دەمێ سەرکەفتنان دا هێمایێ ئاشتی و لێبورین و مروڤ پارێزییە، ل راپەرینا مێژووییا سلا 1991 دا خــەلک و پێشمەرگە و ســەرجەم لایەنان بـێ جیاوازیا بیر و بوچوونا، بەرەف دکتاتوریەت و داگیر کەران چوون و ب سەرکەفتنا راپەرینێ ئەو پەیامە راگەهاندن ل هەر دەمەکی کوردستانی یەک رێز و یەک دەنگ بن چ هێز نەشێن رێکێ ل سەرکەفتن و دەستکەفتێن وان بگرن.
– یێن دل تەزین هێز و باوەری دایێ دا یێ بهێزتر دەربکەڤن.
ئادار هەیڤا حەلەبچەیا شەهیدە، کارەساتا کیمیا بارانکرنا حەلەبچە هێمایێ دل رەقیا داگیرکاران و سێمبولا مەزلوومیەتا گەلێ کوردستانە، کودوژمنێ بێ رەوشت ب درندانترین شێوە خەلکێ قەهرەمانێ وی باژاری شەهید کرن ، شەهیدکرنا حەلەبچە بەشەکە ژ وێ زنجیرا تەوانا نەمروڤانەیا دوژمنان و داگیرکاران دەرهەقێ گەلێ ستەمدیتیێ کوردستانێ دا ئەنجام دانە.
ــ ئەڤ هەلکەفتە بوینە ئەگەرێ ئێک گرتن و ڤێك خستنا گەلێ کورد، ب هەمی رەنگ و دەنگان،
هــەر ل ڤێ هەیڤێ دا هەشتێ ئادارێ رۆژا جیهانی یا ئافرەتێ یە و هەر سال لسەر ئاستێ جیهانێ چالاکیێن جۆراو جۆر دهێنە ئەنجامدا، ژبلێ ڤێ هەلکەفتێ ل هەرێما کوردستانێ هەشتێ ئادارێ رۆژا جلکێن کوردی یە و هەر ساڵ دڤێ رۆژێ دا پرانیا خەلکێ کوردستانێ ب جلکێن کوردی چالاکیان ئەنجام ددەن و بڤێ هەستا نەتەوەی یا تاکێ کورد بڤێ هەلکەفتێ و چالاکیێن وێ بلندتر دبیت ، نەخاسمە چینا لاوان.
هەر وەسا گەلێ کورد یادا رێکەفتناما یازدەیێ ئادارێ بەرز راگرتن ، ئەڤ رێکەفتنە کو ل ئەنجامێ سەرکەفتنا شورەشا مەزنا ئەیلوولێ بـۆ ، ئەو شورەشا ئـێك تا سەری ب باوەریەکا بــۆ لایەنەكی وان تژی چەکا عیراق مجبورکر، دان پێدان ب مافێ گەلێ کوردستانێ دابێنت و بێتە سەر مێزا دانوستاندنێ. رێکەفتنامەیا یازدەیێ ئادارێ سەرکەفتنا ئیرادەیا گەلێ کوردستانێ بوو ..
ــ چونکو کورد بوون؟
هەر نەخوشی و دەربەدەری و کیمیا بارانکرن و ئەنفال کرن یا ب سەرێ مللەتێ کورد و کوردستانێ هاتی ب تەنێ جونکو کورد بوون؟
بــۆ نمونە کیمیا بارانکرنا حەلەبچەیا شەهید
و ئەنفالکرنا ب هزاران خەلکێ کوردستانێ،
و دەربەدەری و ئاوارەیی و برینا قوت و ئەرزاق و موچەیێن فەرمانبەران بتەنێ چونکو کورد بوون،
ــ چ پێتڤیە ..
پێتڤی یە ئێـك رێزیا مللەتی و نەهێلانا پەیدابوونا دووبەرەکیا جڤاکی و دژایەتیکرنا هەولێن کــو کاردکــەن ل سەر پەیداکرنا کەرب و کینێ دناڤ تەخێن جــودا یـێن جڤاکی دا و پاراستنا ئاشتیا جڤاکی دڤێ قوناغا هەستیار دا، کارەکی کوردایەتی یە …
