زێ بادینان .
بزاڤا تالیبان داخاز ژوان ژنان کریە کو ل کەرتێ ساخلەمیێ کار دکەن ڤەگەرنە سەر کارێ خۆ و تەکەز ژی ل وێیەکێ کر کو چ ئاستەنگەک ل بەرامبەر ڤەگەراندنا وان کارمەندان بۆ وێیەکێ کارێن خۆ ب ئاوایەکێ ئاسایی ئەنجامبدەن، درست ناکەن.
د پەیامەکێ دا، پەیڤدارێ بزاڤا تالیبان ئاماژە ب وێیەکێ ژی کر، کو دەولەتا ئیسلامی یا ئەفغانستانێ چ بەربەستەکێ بۆ کارێ ژنان د کەرتێ ساخلەمیێ دا درست ناکەت.
رۆژا ١٥ب ڤێ مەهێ، چەکدارێن بزاڤا تالیبان، پشتی کۆنترۆلکرنا زێدەتری ٢٠ ویلایەتێن مەزنێن وی وەلاتی، چوونە ناڤ کابۆلا پایتەخت و پشتی چەند دەمژمێرەکا، ئەشرەف غەنی سەرۆک کومارێ ئەفغانستان، وەلات بەرەڤ تاجیکستانێ بجیهێلا د پەیامەکێ ژی دا ڕاگەهاند، ” ب سەدەمێ وێیەکێ کو نە خاستیە خین بهێتە رێتن، ئامادە نەبوویە بەرهەنگاری بزاڤا تالیبان بیت”.
ئەفغانستان، ئاکنجیێن وێ ٣٨ ملیۆن کەسە و نێزیکی ٤.٥ ملیۆن کەس د کابۆلا پایتەختدا دژین کو دبیتە ١٢% رێژا ئاکنجیێن وی وەلاتی کو دکەڤیتە رۆژهەلاتا ئەفغانستانێ، هەڤدەم، ژ ٣٤ ویلایەت و ٤٢١ هەرێمان پێکهاتیە.
رووبەرێ ئەڤغانستانێ ٦٥٢ هزار و ٨٦٠ کیلۆمەترین چارگۆشەیە، ئەڤە ژی هندی رووبەرێ ویلایەتا تکساسا ئەمریکا و دوو جارا هندی رووبەرێ بەریتانیا یە.
Comments are closed, but trackbacks and pingbacks are open.