سپێدەهیا ئەڤرۆ ڕۆژا چوارشەمبی هێزێن هەڤپەیمانیا نێڤدەولەتی كاروانەكێ دیێ هاریكاریان پێشكێشی وەزارەتا پێشمەرگە كر، و د مەراسیمێن وەرگرتنا وان هاریكارییاندا، عەمید روكن هۆشمەند حەیدەر، جێگرێ سەرۆكێ سوپاسالارێ پێشمەرگەی ڕاگەهاند، پێدڤییە فەرماندێن هێزێن پێشمەرگەهی زانیاریێن تمام هەبن بۆ بكارئینانا ئامیرێن هاتینە وەرگرتن، و دیسان كارێن تیمێ لوجستی و شیرەتكاریێ هەڤپەیمانان ب باشی هەڵسەنگاند دپشتەڤانیكرنا وەزارەتا پێشمەرگەیدا.
ژلایێ خۆڤە عەقید تاد بۆرز، مەزنە شیرەتكارێ هێزێن هەڤپەیمانان ل هەرێما كوردستانێ ڕاگەهاند، هێزێن هەڤپەیمان و پێشمەرگەی دوژمنەكێ هەڤپشك یێ هەی و پێكڤە كاردكەن پێخەمەت ژناڤبرنا وی دوژمنی، و هەڤپەیمانیا نێڤدەولەتی دێ بەردەوام بیت لسەر پشتەڤانیكرنا پێشمەرگەی و عەقید تاد، هیڤیخواست وەزارەتا پێشمەرگە مفایەكێ باش ژ وان هاریكارییان وەربگریت.
Comments are closed, but trackbacks and pingbacks are open.