نازی محەمەدشەریف
مللەتێ کورد مەزنترین زیان ژ دەستێ داعش دیتیە و ب هزاران شەهید و بریندار داینە. د شەرێ داعشدا پێشمەرگە شیا زور هەریکار بیت دگەل هێزێن عیراقی ژبو ئازدا کرنا زور دەڤەرێن دەست داعشدا مینا ئازادکرنا باژێرێ میسل کو ب خوینا سەدان پیێشمەرگا ئازدا بوویە، لێ مخابن دئەنجامدا مە قوربانیا ڤان هەمی هاریکارا دگەل عیراقێ دا و ئەو عیراقا پێشمەرگەی هاریکارییا وی کری هێرش کرە سەر کوردستانێ و جارک دیتر ل ١٦ ی ئوکتوبەرێ وەک رژیمەکا دکتاتور ئاخا کوردستانێ داگیر کر.
ئەڤە ژی وێ ئێکێ خویا دکەت کو هەرگاڤا عیراق بهیز کەڤیت دێ هێرشێ کەتە سەر کوردستانێ، لەورا لسەر ڤی بنەمایی عیراقەکا بهێز نە دبەرژوەندییا کوردایە، و هەبوونا داعشەکا لاواز باشترە ژ هەبوونا عیراقەکا بهێز، جونکی دەستهەلادارێن عیراقی نەباورەریی ب پێکڤەژیانێ هەیە و نە باوەریی ب یاسا و سیستەمێ دیموکراسی هەیە، وی چاخی عیراقەکا بهێز دێ دبەرژوەندیا کوردا دابیت کو باوەریی ب یاسا و بنەمایێن دیموکراسیێ هەبیت. لێ عیراقەکا باوەری ب یاسا و دیموکراسیێ نەبیت هندی یا لاواز بیت د بەرژوەندیا هەرێما کوردستانێدایە، لەورا ڤێ جارێ نابیت کورد هاریکاریا عیراقێ بکەن د شەرێ داعشدا، هەتا ل دەڤەرێن کوردستانیێن دەرڤەی هەرێما کوردستانێ،
ئەڤرو داعش ئێک ژ ئالاڤێن چێکرنا ئاریشا و نەسەقامگیریێ یە ل عیراقێ و زور بەیا ئەندامێن ڤی گروپێ تیروریستی عەرەبن عیراقینە و ئەڤەژی وێ ئێکێ خویا دکەت کو ئەندامێن ڤی گروپێ تیرورستی د جەرگێ خەلکێ عیراقێ سەرهەلدانە و کارەکێ نە یێ سانەهیە کو ب سانەهی بهێنە ژناڤبرن. لەورا هەرێما کوردستانێ دڤێ قویناغێدا و ژ ئەگەرێ دووبارە بهێز کەفتنا داعشێ یا فەرە بتنێ شەرێ بەرەڤانیێ بکەت ژ سنورێن هەرێما کوردستانێ و هاریکاریا لەشکرێ عیراقێ نەکەت ل دەرڤەی دەستهەلاتا پێشمەرگەی و چ دیتر پێشمەرگەی نەکەتە قوربانی حەشدا شعبی و لەشکرێ عیراقێ.
نابیت کورد کار بکەن ژبو ئارامیا عیراقێ ، چونکی ئارامی و سەقامگیریا عیراقێ واتە بهێز کەفتنا عیراقێ و بهێز کەفتنا عیراقێ ژی واتە دژاتیکرن و هێرشکرنا سەر هەرێما کوردستنانێ. دیروکا عیراقێ ئەڤ ئێکە یا خویا کری و تشتەکێ حاشا نەهەلگرە کو هەر ژ دامەزراندانا دەولەتا عیراقێ هەتا نها هەرگاڤا عیراق بهێز کەفتبیت هێرش یا کریە سەر کوردا هەتا سەردەمێ دەستهەلاتا عیراقا فیدرالیدا و سەردەمێ مالکی و عبادی .
٨/٩/٢٠٢١
Comments are closed, but trackbacks and pingbacks are open.