بێریڤان خضر
شــورەشا 11 ئـەیلولێ ل سالا (1961 )ـێ ب رێبەراتیا بارزانیێ نەمر مەزنترین شورەشا نیشتیمانی و نەتەوەیی یە د دیروکا گەلێ کوردستانێ دا، بو بناغەکێ موکمێ بزاڤا رزگاری خوازا کوردستانێ و فەکتەرێ خو راگێری وبەرخودان و ڤەژاندنا کوردایەتیێ و قوتابخانا کورد پەروەریێ و فیداکاریێ و دیموکراسیێ، هێڤی و باوەری دناڤ مللەتی دا چاند.
د شــورەشـا 11ئەیلولێ دا، دەستکەفتێن سیاسی و لەشکەری بدەست ڤەهاتن ژ رێکەفتنا (11) ئادارا سالا (1970)ـێ بوو، کو حکومەتا عیراقێ نەچار کر ب فەرمی دان ب مافێ ئوتونومی دانێت و سەدان داستانێن دیروکی هاتن تومارکرن..شورەشا ئەیلولێ پیخەمەت ئاشتی و دیموکراسیێ بو هەمی گەلێ عیراقێ بویە.
کاودانێن ئەڤڕۆ ڕۆژ هەلاتا ناڤەراست تێدا دەرباز دبێت و پێگەهشتی، حیکمەت و دیربینیا سەرکردێ شورەشا مەزنا ئەیلولێ بارزانیێ نەمر نیشا دێت، ل داخازا پشتەڤانیا مرۆڤی و لەشکەری ژ وەلاتێن ئازادیخوازان و دیموکراسی بۆ پاراستنا مافێ مروڤی و بهێزکرنا دیموکراسیەتێ ل دەڤەرێ، ئەڤ استراتیژیەتا نەگور بۆ استراتیجیەتا جیهانێ ل دەڤەرێ و گەلێ کوردستانێ بویە خودان ڕۆڵ و پێگەکێ گرنگ ل بەرهنگاری کرنا تیروری و بەلاڤکرنا ئاشتی و ئارامی و دیموکراسیێ،
پێشمەرگێ کوردستانێ پشتی ئەفسانەیا تیرورستی یا (داعش و حەشدا شەعبی) شکاندی بوینە سیمبوولێ قارەمانی و خوراگێری و بەرخودانێ و جهێ باوەری و بشتەڤانیا تەڤایا خەلکێ جیهانێ.
ل ڤێ یادا مەزن هزار سلاڤ بۆ تەڤایا پێشمەرگێن ئەڤڕۆ دسەنگەرێن بەرخودان و شەرەف و کەرامەتا گەلێ کوردستانێ دا، سلاڤ بووان هەمی پێشمەرگێن دێرین یێن کو بەشداری دڤێ شورەقا مەزن دا کرین،
درود و سەربەرزی بو تەڤایا وان قەهرەمانێن شەهید بوین و خوینا خو کرین قوربان ژبو رێکا ئازدیخوازا کوردستانێ سەروەرێن وان بارزانیێ نەمر و کاک ئێدریسێ هەر دەم ساخ….
Comments are closed, but trackbacks and pingbacks are open.