سەرۆک کومارێ ئیرانێ رادگەھینیت، دگەل مستەفا کازمی رێککەفتین لسەر ڕاکرن و نەھێلانا ڤیزێ لسەر گەشتیارێن ھەردوو وەڵاتان دا.
ئیبراھیم رەئیسی سەرۆک کومارێ ئیرانێ و مستەفا کازمی سەرۆک وەزیرێن عیراقێ رۆژا ئێکشەمبی ١٢ێ مەھا ٩ یا ساڵا ٢٠٢١ کومبوون و د چارچوڤێ کنگرەیەکێ رۆژنامەڤانیدا رەئیسی راگەھاند: ژ نھا پێڤە گەشتیارێن ئیرانێ و عیراقێ پێتڤی ب ڤیزێ نابیتن بۆ گەشتکرنێ دناڤبەرا ھەردوو وەڵاتاندا.
گوت ژی،” د کومبوونا دگەل مستەفا کازمیدا مە بەحس ژ پەیوەندیێن دارایی و بەنکیێن دناڤبەرا ئیران و عیراقێ کر و چەندین بڕیارێن دیێن گرنگ سەبارەت پەیوەندیێن دناڤبەرا ھەدوو لایاندا ھاتینە دەکرن”.
ئەڤە ژی ددەمەکێدایە رۆژا ئێکشەمبیا ئەڤرۆ مستەفا کازمی ب سەرۆکایەتیا شاندەکێ بلند گەھشتە تەھرانا پایتەختێ ئیرانێ و ژلایێ ئیبراھیم رەئیسی، سەرۆک کومارێ وی وەڵاتی ڤە ھاتە پێشوازیکرن.
Comments are closed, but trackbacks and pingbacks are open.