عادل ئۆرەماری
د مێژوویا مە مرۆڤاندا گەلەک شورەش ھاتنەکرن ژ وان شورەشا کشتۆکاڵی، شورەشا پێشەسازی، شورەشا ڕاگەیاندنێ، شورەشا تەکنۆلۆژی و گەلەکێن دن ھەر ئێک ژ ڤان شورەشان گەلەک گۆڕانکاری ب سەر سیستەمێ ژیانکرنێ دا ئینان و گەلەک کار ئاسانی ژبۆ بۆ مە مرۆڤان کرن ژبۆ ژیانا ڕۆژانە ھەتاکۆ گەھشتینە ئەڤرۆ، دگەل ڤان کار ئاسانیا ھەمیان ھێشتا ژیانامە یا ئالۆزتری لێھاتی ژ جاران و زکێ مە ڕەشترە ل پرچامە دگەل ئێک و دوو، ئەم گەھشتینە کۆپیتکا پێشکەفتنا ئالاڤ و ئامێران بەلێ ھێشتا ئەم دەیندارین ژ مرۆڤبوونێ! ھێشتا ئەم بەرھەڤ نینە وەک مرۆڤ دگەل ئێک بژین وەک یا پێدڤی، ناخێ مرۆڤێ نۆکە یێ ڕزی یە! یا گەھشتی یە ئاستەکێ برای بۆ برای نەڤێت، مە تشت یێن تێکەلکرین ئەم پێدڤی ب ڤاڤارتنێنە و جارەکا دی خۆناس بکەین وەک مرۆڤ.
نۆکە دەم ھات شورەشەکێ بکەین یا عەقڵانی و ئێدی کەس مە نە خاپینیت و کەس مە ب رێڤەنەبەت وەک وان دڤێت؛ بەلکۆ ھەر تاکەک تێراخۆ ھەبیت ژبۆ ڕێڤەبرناخۆ و ئەرک و مافێن خۆ بزانیت ب شێوەکێ عەقڵانی، نە بکەفیتە بن فشارا ھندەک ئایدلۆژیان بەلکۆ کار ب وژدان و ئەتەکێتێن پیشەیی و یاسایێن دادپەروەرانە بکەت، براستی ژی شەرمە دەما دبینم دکتۆر و پڕۆفیسۆرن و یێ سێلڤییان دگەل کۆرێن بەرپرسان دگرن و دنڤیسن ئەز قوربان!! وەرە تۆ دکتۆربی و پڕۆفیسۆربی و مەلاقیان بکەی! لەوما ئەز دبێژم ئەم پێدڤی ب شورەشەکا عەقڵینە و عەقڵەکێ خودایی.
Comments are closed, but trackbacks and pingbacks are open.