ویلایه‌تێن ئێكگرتى یێن ئه‌مریكا دوهى ل ئه‌ینیێ هوشدارى دا وه‌لاتێ توركیا كو ئه‌و دێ په‌یوه‌ندیێن خوه یێن دوئالى دگه‌ل توركیا برن ئه‌گه‌ر توركیا یا به‌رده‌وامبیت ل كرینا چه‌كێن رووسی.
ئه‌ڤ ئاگه‌هدارییا ئه‌مریكا پشتى كرینا سیسته‌مێ ئێس-400یێ رووسى بۆ به‌رگریا ئاسمانى ژلایێ توركیا ڤه دهێت.
ل حه‌فتیا بوورى ره‌جه‌ب ته‌یب ئه‌ردوگان، سه‌رۆكێ توركیا دگه‌ل ڤلادیمیر پوتین كۆمبووى و گفتوگو ده‌رباره‌ى هه‌ماهه‌نگیه‌كا مه‌زنتر یا له‌شكه‌رى كرى و باس ل كرینا فروكێن شه‌ركه‌ر و هێزێن ژێر ده‌ریاى كرى.
وێندى شێرمه‌ن جێگرا وه‌زیرێ ده‌رڤه یێ ئه‌مریكا راگه‌هاند، ئه‌وان توركیا چه‌ندین جاران ئاگه‌هدار كریه كو نابیت سیسه‌تمێ ئێس-400 بكرن.
جێگرا وه‌زیرێ ده‌رڤه یێ ئه‌مریكا،د كونگره‌كێ رۆژنامه‌ڤانیدا دده‌مێ سه‌ره‌دانا خوه بۆ سویسرا راگه‌هاند، ئه‌گه‌ر توركیا به‌رده‌وامبیت دێ دێ سزا لسه‌ر سه‌پینین و گوت:سیسته‌مێ ئێس-400 یێ رووسى لدوف پیڤه‌ر و یاسایێن ناتو نه‌هاتیه دروستكرن.
Comments are closed, but trackbacks and pingbacks are open.