دەزگەهێ مێدیایێ زێ بادینان :
پەڕلەمانێ ئیراقێ دەنگ ل سەر یاسایا هەلبژارتنێن پێشوەخت دا و ل رۆژا 7 ڤێ هەیڤێ دێ خۆ هەلوەشینیت.
بەشار کیکی، ئەندامێ پەڕلەمانێ ئیراقێ بۆ گاڤ گۆت: پەڕلەمانێ ئیراقێ بریار دا ل رۆژا 7ێ ڤێ هەیڤێ ب سێ رۆژان بەری هەلبژارتنان دوماهی ب کارێ خۆ بینیت و خۆلا ڤێ گەرێ هەلوەشینیت.
هەروەسا گۆت: هەلوەشاندنا پەڕلەمانێ گرێدایی ب گرەنتیا ئەنجامدانا هەلبژارتنایە و ئەگەر ل رۆژا 10ێ ڤێ هەیڤێ ب هەر ئەگەرەکێ هەلبژارتن نەهاتنە کرن، پەڕلەمان دێ دوبارە ڤەگەریتە سەر کارێ خۆ.
هەروەسا گۆت: پەڕلەمانی تنێ سێ رۆژ بۆ حکومەتێ هێلان کو یا بێ چاڤدێر بیت و پشتی هەلبژارتنان ژی ب 24 دەمژمێران دێ ئەنجام هێنە راگەهاندن و ئالیێ سەرکەفتی دێ هەر زوی دەست ب پێکئینانا حکومەتێ کەت.
بەشار کیکی پێشبینی کر حکومەتا ڤێ جارێ د هەیڤەکێ دا بهێتە پێکئینان ژ بەرکو رەوشا ئیراقێ دەلیڤێ نادەت ب کەڤیتە د ڤالاهیەکا دەستووری دا و د بەرژەوەندیا چ ئالیان ژی دا نینە.
Comments are closed, but trackbacks and pingbacks are open.