چالاکڤانەکا ئافرەتان راگەھاند: پارتی ئەڤ یاسایە تێپەراندیە و تنێ دیرۆک بۆ خۆ تۆمار نەکریە، بەلکی دیرۆکا بزاڤا رزگاریخوازیا مللەتەکی تۆمار کریە.
چیان مھدی، چالاکڤان د بوارێ ئافرەتان دا بۆ ئاژنسا ھەواڵی زاگرۆس، راگەھاند: وەکو گەنجەک پشتەفانیا مە زور گرنگە جونکی ھەر مللەتەکی، وەلاتەکی، پارتیەکێ، رێکخراوەکێ، ھەتا دگەھیتە مرۆڤەکی دیرۆکا خۆ ھەیە، کۆ کار و خەبات و رەفتارا وان کۆم دکەت و بۆ نفشێن داھاتی بەرچاڤ دکەت، دا کو مفالێ لێ بھێـە وەرگرتن، لێ پارتی دیموکراتی کوردستان، ئەڤ یاسایە تێپەراندیە و تنێ دیرۆک بۆ خۆ تۆمار نەکریە، بەلکی دیرۆکا بزاڤا رزگاریخوازیا مللەتەکی تۆمار کریە ل بزاڤەکا بێ دەنگ و سنووردار دچارچۆڤێ باژێرەکێ یان دەڤەرەکێ، کریە بزاڤەکا سیاسی یا سەرانسەریا کوردستانێ و دەنگڤەدان و رەنگڤەدانێن وێ گەھشتیە سەرتاسەرێ جیھانێ ژلایێ پەروەردەیا نەتەوی و نشتیمانی.
وێ چالاکڤانا ئافرەتان زێدەتر گۆت: پارتی ھەردەم شەر لسەر مافین رەواین دەستوری یێن گەلێ کورد کریە، د میژوودا ھەتا نوکە ژ بتنی پارتی پارێزڤانی گەلێ کوردستانێ بویە، پارتی یەکەم پارت بویە ھزر د دامەزراندنا رێکخروا ئافرەتان دا کری ل سالا ١٩٥٢ لسەر دەستێ بارزانی یێ نەمر ھاتیە دامەزراندین بو بەرەڤانی ژ مافین ئافرەتێ بکەت.
چیان مھدی، چالاکڤان د بوارێ ئافرەتان دا، ل درێژیا لێدوانا خودا بۆ ئاژانسا ھەواڵی زاگرۆس، گۆت: ھەردەم مەدیتە بەربژێرێن پارتی ب جورئەت و ب دەنگەکێ بلند دناڤ ھولا پەرلەمانی عێراقا فیدرال داکوکێ لسەر ماڤین گەلێ کوردستانێ کریە، ل سالا ٢٠١٧ راپرسیا سەرخووبونا کوردستان ئەنجامدایە، ل سالا ٢٠١٤ دەمێ مەزنترین ھێزا تیرورستا جیھانی داعش بەرێ پێلا خو دا کوردستانێ، مەدیت سەروکێ پارتی وپێشمەرگە و کادر و جەماوەرێ پارتی چەوا داعش تێکشکاندن و چەندین شەھید وێ ریێدا دان، لەوما خەلکێ کوردستانێ پارتی ب پارێزەرێ فی گەلێ و وەلاتی دزانیت، چونکە پارتی خەبات و تێکوشان و بەخودان کرینە، داکۆ ھەردەم کوردستان یا پاراستی بیت.
وێ چالاکڤان ئارفرەتا گۆت ژی: پەیاما من بۆ خەلکێ کوردستانێ ھەمیێ و تایبەت گەنج و ئافرەتان، پارتی و بەربژێرێن پارتی بکەنە نوێنەرێن خۆ ل بەغدا، جونکی پارتی خودان پروژێ نەتەوەیی یە و پروژێ وێ دامەزراندنا دەولەتا کوردی یە، پارتی خودانا سەرکردایەتیەکا کاریزما و خاکی یە، تێرا خو سەرمایەکا دیروکی نیشتیمانی و نەتەوەیی و ھەلویستێن سیاسی یێن چارەنفیسساز و بەرنامە و پروژەیێن ستراتیجی ھەنە، ژبەرکو مەترسی ھەنە و عیراق بەرەف پاشەروژەکا مژەوی دچیت، لەورا گرنگە گەلێ کوردستانێ پشتەڤانیا پارتی بکەت.
Comments are closed, but trackbacks and pingbacks are open.