وەزارەتا خاندنا بلند و ڤەکۆلینێن زانستی ڕاگەهاند، بسەدەما وێیەکێ بەشەکێ زۆرێ مامۆستا و فەرمانبەرێن وێ وەزارەتێ هەڤکاریا ناڤەندێن دەنگدانێ دکەن، دووشەمبێ ژی ل وەزارەتا خاندنا بلند دێ بیتە بێهنڤەدانا فەرمی.
وەزارەتا خاندنا بلند و ڤەکۆلینێن زانستی ڕاگەهاندنەک د رۆپەلا خۆیا فەرمیا فەیسبووکی دا بەلاڤکر، مامۆستایێن زانکۆیێن کوردستانێ وەکی سەرپەرشت و تەکنیککار، هەڤکاریا ناڤەندێن دەنگدانێ دکەن، بسەدەما وێیەکێ پتریا مامۆستا و فەرمانبەران دێ مژیلبن ب کارێ ناڤەندێن دەنگدانێ هەیا درەنگی شەڤێ، وەزارەتا خاندنا بلند و ڤەکۆلینێن زانستی بڕیاردا رۆژا دووشەمبێ، بەرواری ١١ی ١٠ی ٢٠٢١ێ، بکەنە بێهنڤەدانا فەرمی ل دیوانا وەزارەتێ و هەمی ناڤەندێن خاندنێ یێن سەر ب وەزارتا خاندنا بلند ڤە.
ئەڤە د دەمەکێ دایە، ل فەرمانگەهەکا دی یا هەرێما کوردستانێ بتنێ سوبەهی ئێکشەمبێ بێهنڤەدانا فەرمی یە و ل ناڤەندێن سەر ب وەزارەتا پەروەردێ ڤە ژی ٦ێ بۆ ١١ی ١٠ی ٢٠٢١ێ بێهنڤەدانا فەرمی یە.
سوبەهی ئێکشەمبێ، ١٠ی تشرینا ئێکێ ٢٠٢١ێ دەنگدان بۆ هەلبژارتنێن پەرلەمانێ عێراقێ دێ ب رێڤەچن و بۆ ئێکەم جارە ژی نەتەوەیێن هەڤگرتی چاڤدێریا هەلبژارتنێن عێراقێ بکەن.
Comments are closed, but trackbacks and pingbacks are open.