ڤه‌كولینه‌كا ژ لایێ نوژدارێن تایبه‌تمه‌ند د نوژدارییا وه‌رزشی دا هاتیه‌ ئه‌نجامدان دیاركر كو رێڤه‌چوونا ب پێخاسی گه‌شه‌یا له‌شی یا زارۆكان باشتر دكت.
پشكنینان و پیڤانێن د ڤه‌كولینێ دا هاتینه‌ ئه‌نجامدان 1015 زارۆك و سنێله‌ ل ئه‌لمانیا و باشورێ ئه‌فریقیا ب خوه‌ڤه‌ گرتن ئاشكراكرن كو زارۆك ل هه‌رێما كیب یا رۆژئاڤا ل باشورێ ئه‌فریقیا د پتریا ده‌می دا پێخاس رێڤه‌دچن، بشێوه‌یه‌كێ راستتر لسه‌ر په‌یكه‌رێ خوه‌ یێ هه‌ستی رادوه‌ستن و ده‌رفه‌تێن تووشبینا وان ب حاله‌تێن پێیێن په‌حن و راست كێم دبن و ئه‌ڤ چه‌نده‌ ب هه‌ڤبه‌ركرن لگه‌ل پتریا زارۆكێن ب پێلاڤ ب رێڤه‌ دچن ل باژێرێ هامبورگ ل ئه‌لمانیا.
و ئاماژه‌ ب وێ چه‌ندێ ژی هاته‌ كرن كو زارۆكێن پێخاس دشێن خوه‌جهتر و خوه‌راگرتر و ب هه‌ڤه‌سه‌نگییه‌كا پتر رابن و روینن لسه‌ر ئه‌ردێ.
نوژدارێ وه‌رزشی كارستن هولاندر لسه‌ر ئه‌نجامێن ڤه‌كولینێ گوت “بوراندنا زارۆكی ده‌مێ خوه‌ ب پێخاسی كارتێكرنه‌كا مه‌زن یا هه‌ی لسه‌ر گه‌شه‌یا وی و رێكا برێڤه‌چوونا وی و ئه‌كتیڤییا له‌شی”.