جڤاتا سەركردایەتییا كۆمەلا دادگەرییا كوردستانێ دەست ژ كاركێشانا جڤاتا بلندا وێ حزبێ رەت كر.
شڤێدی جڤاتا سەركردایەتییا كۆمەلا داگەرییا كوردستانێ كۆمبوونەك ب سەرپەرشتییا عەلی باپیر سەرۆكێ وێ حزبێ گرێدا بۆ گەنگەشەكرنا ئەنجامێن هەلبژارتنێن پێشوەخت كو كۆمەلا دادگەری ب تنێ كورسییەك ب دەستڤەئینایە.
وەك هەلویستەك بەرامبەری كێمبوونا دەنگێن كۆمەل د هەلبژارتنێن پێشوەخت دا، جڤاتا بلندا كۆمەلا دادگەری دەست ژ كاركێشانا خۆ پێشكێش كر، لێ بەهانەیا وێ چەندێ كو چەند هەیڤەكە كۆنگرە هاتییە كرن و هێشتا پێكئینانا ئۆرگانان تمام نەبوویە، ئەو دەست ژ كاركێشان هاتە رەت كرن.
هەروەسا جڤاتا سەركردایەتییا كۆمەل، لیژنەیەك لیژنەیەك پێك ئینا بۆ هەلسەنگاندنا راپۆرتا جڤاتا دامەزرێنەران و دیتن وبۆچوونێن ئەندامێن سەركردایەتیێ بۆ دەستنشانكرنا وان كەس و ئەندامێن خەمساری كرین و بووینە ئەگەرێ كێمبوونا كورسیێن كۆمەلا دادگەرییا كوردستانێ.
Comments are closed, but trackbacks and pingbacks are open.