زێ بادینان
رۆژ بۆ رۆژێ بھایێ پانزینێ بلند دبیت و لیژنا سامانێن سرۆشتی ژی لپەرلەمانێ کوردستانێ دێ مێھڤانداریا وەزیرێ سامانێن سرۆشتی بکەت لدۆر رەوشا پانزینێ و ھاتنا پانزینا بەغدا.
گولیزار سندی، جێگرا سەرۆکا لیژنا سامانێن سرۆشتی بۆ ئاژانسا خانی گۆت” ددەمێ نوکەدا قەیرانا پانزینێ ھەیە و بھایێ پانزینێ لھەرێما کوردستانێ رۆژ بۆ رۆژێ بلند دبیت، لەوڕا لیژنا سامانێن سرۆشتی دێ مێھڤانداریا وەزیرێ سامانێن سرۆشتی بکەت، چونکە بەری نوکە وەزیرێ سامانێن سرۆشتی سەرەدانا بەغدا کریە و ھندەک پانزین ژی بەری نوکە دھات بۆ ھەرێما کوردستانێ، بەلێ دوڤدا ھاتیە راگرتن.
گولیزار سندی خویاژی کر” مە دڤێت بزانین ئەگەرێن راگرتنا پانزینێ چنە ژلایێ بەغداڤە، ھەروەسا رێکەفتنا ھاتیەکرن ژلایێ وەزیرێ سامانێن سرۆشتی و وەزارەتا پتڕۆلا بەغدا لدۆر ھنارتنا پانزینێ چاوایە، وەکی دیار وەزیری گوتیە دێ پانزین گەھیتە ھەرێما کوردستانێ و ئاریشە ھەتا رادەیەکی دێ بھێتە چارەسەرکرن.
Comments are closed, but trackbacks and pingbacks are open.