نازی محەمەد شریف
هەرێما کوردستانێ ب هەمی پیڤەرا ژ دەولەتا ئیراقێ پێشکەفتیترە ،ئیراقەکا کو ئەڤە سەد سالە دەولەت. زێدەباری وێ کو ئەڤە سی سالە ئەڤ هەرێمە ئاڤا بووی و هەرچار دەولەتێن داگیرکەر دژاتیا هەرێما کوردستانێ دکەن و کار دکەن ژ بو نەهێلانا ڤێ هەرێمێ کو ئیکەم هەرێمە ددیروکا گەلێ کورددا کو دانپێدانەکا نێڤدەولەتی پێ هاتیەکرن دچوارچوڤێ ئیراقا فیدرالیدا. لێ هەرێما کوردستانێ شیایە خۆ راگریت و روژ بۆ روژێ پێشکەڤیت و زۆز ژ دەولەتا عیراقێ پێشکەفتیترە و بەلگە ژی ژبۆ ڤێ ئێکێ ئەڤرۆ ب هزاران ئیراقی سەرەدانا هەرێما کوردستانێ دکەن ژبۆ گەشتیاری و نوژدارا و بازرگانیێ و هەتا بۆ ئەمن ئاسایشا ژیانا خۆژی قەستا هەرێما کوردستانێ دکەن و زور ژ ئەوانا ئیکجاری مال و ملک و هەمی تشتت خۆ ل ئیراقێ یێت فروتی و بۆ ئێکجاری یێت ل هەرێما ئاکنجی بۆوی ، هەتا زور جارا شاندیێن بیانی دەمێ سەرەدانا ئیراقێ دکەن شەڤێ قەستا هەرێمئ دکەن ژبەر بابەتیێن ئەمنی. ئەڤە هەمی خۆیا دکەن کو کوردستان زۆر ژ ئیراقێ پیێشکەفتیترە لەورا خەلکێ ئیراقێ قەستا هەرێما کوردستانێ دکەن.
لێ ژبو هندێ کو هەرێما کوردستانێ زێدەتر پێشکەڤیت و جهێ خو موکم بکەت فەرە هندەک خالا بەرچاڤ بگریت بۆ نمونە.
١- نەهێلانا هیچ بەرپرسەکی بۆ دەمەکێ درێژ د پوستەکیدا و زی بهێنە گورین، دا هزرێن نوی و پروژێن نوی ژدایک ببن.
٢- گرنگیدا دان ب وان بنەمایێن ئازاديێ د هەر بیاڤەکیدا مینا ئازادیا بیرو راو روژنامەڤانی و ئابووری و … دا دیموکراسیا راستەقینە ل کوردستانێ ژ دایک ببیت.
٣- گرنگی دان ب پرۆژێ نەتەوی و کار کرن بو دەولەتەکا سەربخو برەنگەکێ ئارام و دویژ دەهول قوتانێ.
٤- خورتکرنا پەیوندیێن دیبلوماسی و نێڤدەولەتی و لسەر بنەمایێن بەرژوەندیێن هەڤشک.
٥- هەرێما کوردستانێ پێدڤییە وەک دەولەت بیر بکەتەڤە و کار بکەت چونکی نها زور جارا وەک دیفاکتو سەرەدەریا دەولەتێ دگەل هەرێما کوردستانێ دههتە کرن، جودا ژ پرانیا هەرێمن ل وەلاتێن جیهانێ هەی.
٦- ژبو پەیدابوونا ڤان هەمی خالێن سەر مە پێدڤی ب ئابوورەکێ ئازاد و بهێز هەیە، چونکی ئەڤ خالێن سەر پشتی ئابوورەکێ بهێز پەیدا ژدایک دبن.
هەتا ئازادیا ئابوری ژدایک نەبیت ئەڤ خالێن سەری ژ دایک نابن.
٧- خالەکا دیتر یا گرنگ کو گارانتیا ڤانە دکەت رێکخستن و ئێک هەلوستیا ناڤ مالا کوردیە و بلند کرنا معیارێن نەتەوی هەرچەندە نها باشترە ژ بەریا نها لێ ڤیت ژبو دەولەتبوونێ هێشتا ژی معیارێن نەتەوی بلند بکەین، دەمێ ئەز دبێژم نها باشترە مللەتێ مە ،گڕوڤە بالێ ١٦ ی ئوکتوبەرێ یە مەدیت جەوانێ پرانیا وان کەفتنە بەر سزادانا مللەتی و هەروەسا ئەو پەلەمانتارێن دژی قەوارێ هەریمێ و بەرژوەندێن کوردا ل بەغدا کار دکر کەس ژ وان ڤێ جارێ دەر نەچوون ژ بۆ پەرلەمانێ ئیراقێ ، ئەڤە هەمی ئیماژێن باشن ژبو هشیاربوونا خەلکێ کوردستانێ و هەلسەنگاندنا کارو چالاکێن پارتێن سیاسی و هەروەسا میناکەکا دیتر ئیهمالکرنا دهوکێ ژی ژلايێ دەستهەلاتێڤە و گرنگی نەدان ب داخازێن وان بۆ ئەگەرێ هندێ کو پارتا دەستهەلاتدار کورسیا ژ دەست بدەت.
٢٢/١٠/٢٠٢١
Comments are closed, but trackbacks and pingbacks are open.