فەرمانگەها میدیا و زانیاریێن هەرێمێ ڕاگەهاندنەک بەلاڤکریە و تێدا هاتیە دێ ١٠٠ ملیۆن لترێن گازا سپی لسەر هەرێمێ هێنە پارڤەکرن و بەهرا پارێزگەها دهۆکێ ژی ٢٣ ملیۆن لترن.
فەرمانگەها میدیا و زانیاریێن هەرێمێ د بەلاڤکرنا خۆدا ئاماژە ب وێیەکێ کریە، کو بۆ تەڤایا پارێزگەهـ و باژێر و باژێرکێن هەرێمێ ١٠٠ ملیۆن لترێن گازا سپی دێ هێنە پارڤەکرن.
دەربارەی بەهرا پارێزگەها دهۆکێ ژی ڕاگەهاندیە، کو بۆ پارێزگەها دهۆکێ ٢٣ ملیۆن لترێن گازا سپی هاتینە تەرخانکرن، ڕاگەهاندیە ژی، ئەو کوژمێ گازا سپیا بۆ دهۆکێ هاتیە هنارتن ٣ ملیۆن و ٤٢٩ هزار لترن.
ئاماژە ب وێیەکێ کریە، کو بۆ هەر خێزانەکا کو پشک د وەرگرتنێ دا هەی ٢٠٠ لتر دێ پێ هێنە دان ب بهایێ ٥٥ هزار دیناران.
بەحسا وێیەکێ ژی کریە، کو ل دەستپێکێ دێ ل دەڤەرێن چیایی گازا مالا هێتە پارڤەکرن، پشترا بۆ دەوروبەرێن باژێری و ل قۆناغا داویێ دێ ل سەنتەرێ پارێزگەهێ هێتە پارڤەکرن.
Comments are closed, but trackbacks and pingbacks are open.