نڤێسینگه‌ها ڤه‌كۆلینێن ئه‌مریكا ( FBI ) راگه‌هاند، وان پلانه‌كا تیرۆركرنا جۆرج ده‌بلیۆ بوش، سه‌رۆكێ پێشتر یێ ئه‌مریكا ژلایێ وه‌لاتیه‌كێ عیراقى ڤه ژناڤبر.
نڤێسینگه‌ها ڤه‌كۆلینێن ئه‌مریكا راگه‌هاند، كه‌سه‌كێ عیراقى ب ناڤێ شه‌هاب ئه‌حمه‌د شه‌هاب كۆ ژ سالا 2020ێ تا نوكه ل ویلایه‌تا ئۆهایۆ یا ئه‌مریكا، دژیت پلانه‌ك بۆ كۆشتنا جۆرج ده‌بلیۆ بوشى، سه‌رۆكێ پێشتر یێ دانابوو لێ پلانا وى هاته ژناڤبرن و هاته ده‌سته‌سه‌ركرن.
دیار ژى كریه، وى كه‌سى ل خوارنگه‌هه‌كا وى باژێرى كاردكر، ل وێرێ داخواز ژ هنده‌ك كه‌سان كربوو مالا جۆرج بوشى نیشا وى بده‌ن و پشتى چه‌ندین په‌یوه‌ندیان و نامان دناڤبه‌را وان دا ل سه‌ر تۆرا واتسئابى، ده‌ركه‌فتییه ئه‌و كه‌سه ئه‌ندامێن ده‌زگه‌هێن هه‌والگرى بوون و ئه‌و كه‌س ده‌سته‌سه‌ركر.
ل گوره‌ى دۆسه‌یێن دادگه‌ها وى باژێرى، شه‌هابى گۆتییه كارمه‌ندێن ده‌زگه‌هێن هه‌والگرى ئه‌و سه‌ر ب گرۆپه‌كێ چه‌كدارییه ب ناڤێ ره‌عد و وى خواستا كۆشتنا جۆرج بوش هه‌یه.
دیار ژى كریه، پلانا وى ئه‌وبوو حه‌فت چه‌كدارێن داعشێ ژ عیراقێ و توركیا و مسر و دانیماركێ ب رێیا مه‌كسیك ببه‌ته ئه‌مریكا و جۆرج بوشى ل ئۆفیسا وى یان مالا وى بكۆژن، هه‌روه‌سا وى نیازا تیرۆركرنا وان فه‌رماندێن عیراقى ژى هه‌یه كۆ ل شه‌رێ عیراقێ ل سالا 2003ێ هاریكاریا ئه‌مریكا كربوو و نوكه ل ئه‌مریكا دژین.
بلند بهجت
Comments are closed, but trackbacks and pingbacks are open.