لازمە شێخ یوسف
وەك دیار كومەلگەھێ ئێزدی گەلەك قوربانی داینە و تایبەتی ژی نەخوشیێن پشتی 3 ئابا 2014ێ ژلایێ رێكخستیا داعشا تیروری گەھشتینێ، كو ب ھزارا ھاولاتیێن شنگالێ بوونە قوربانی و تایبەتی ژی رەگەزێ مێ. ئەو تشتێ لڤی باژێری ب سەرێ ژنان ژی ھاتی، ب تاوانێن رەوشتی دژی مرۆڤایەتی پێك دھێن و بھەمی پیڤەران، كو تاوانباران دژی بێگونەھان ئەنجامداین.
تانوكە ژی گەلەك ژ رەڤاندی و رەڤاندییان ژ پێكھاتەیا ئێزدییان ددەستێ رێكخستیا تاوانبار دانە و چارەنڤیسێ وان یێ بەرزەیە، كو دەم بۆ دەمێ ئەم گوھـ لێدبین كو ژلایێ نڤیسینگەھا رەڤاندیێن ئێزدیڤە دھێنە رزگاركرن، بەلێ ھێشتا گەلەك یێن ماین و رزگار نەبووینە، كو ددەمەكیدا ژمارا رەڤاندییان دگەھنە (2768) ژ رەگەزێ مێ و (1298) ژ رەگەزێ نێر و ژمارا ئەڤێن ماین (1470)كەسن و تا نوكە چارەنڤیسێ وان نەدیارە.
بوویە ب ھەلكەفتا رۆژا جیھانییا ژنان، ئەز ڤان پێشنیاران دكەم:
ـ كومەلگەھێ دەولی بھێتە دناڤدا و ئەڤێن ماین ژ رەڤاندییان بھێنە رزگاركرن.
ـ ھەمی تەخێن كومەلگەھێ كوردی بگشتی و تایبەتی ژی پێكھاتەیا ئێزدییان رابن ب داخوازكرنا رزگراكرنا ئەڤێن ماین و ئەڤا بەرامبەر خەلكێ شنگال دھێتە كرن ژ ئاوارەیێن ناڤ چادراندا بھێنە رسواكرن و ئەڤ زیانێن كوشتنێ و سوتنێ ژ ھەر ئەگەرەكی بن یێن دگەھنە وان.
ـ ل سەر چالاكڤانێن سڤیل و راگەھاندكار و رەوشەنبیران پێدڤییە گرنگیێ ب بابەتێن كومەلگەھێ خوە بدەن، ب ھەمی رێكارەكێ راگەھاندنێ.
بڤێ ھەلكەفتێ ئەم ژنا ئێزدی پیروز دكەین و ئەو د بارودوخەكێ نە سروشتی دا ژیانێ ب سەر دكەت و ھیڤیخوازین دژیانەكا خوش دا بژیت و مافێن خوە یێن رێپێدای بجھـ بكەت.
