محمد مراد…
پشتی ئازادبونا روژ ئافایێ کوردستانێ و نەمانا داعشێ، ئارامیەکا باش بخۆڤه دیتی یه و دەسەلاتەکا نیمچه ئازادی وەرگرتی یه،و شیاینه ئیدارا روژئاڤایێ کوردستانێ بکەن و هێزەکا لەشکەری یا بهێز ئاڤا بکەن، و د شەرێ داعشێ دا هەسەده تاکە هێزا جالاك و مێرخاس و قەهرامان بو دژی داعشێ شیان هێزا داعشێ تێك بشکێنن و باژێرێن کوردستانێ پارێزن و هەتا باژێرێن دی ژی وەك حەلەب، دێرەزور و رقه پایتەختێ خەلافه تا داعشێ تێك بشکێن ژدەستێ داعشێ بینن دەر،ب پشتەتەڤانی یا هێزێن هەڤپەیمانا و ئەمریکا، و پتر ژ دوازدە هەزار شەهیدا گوری ئاخا کوردستانا روژ ئاڤا بکەن هەمی گەنج و لاو و کچێت کوردستانا روژ ئاڤابون،،،،،
ناڤ و دەنگی مێرانییا وان ل جیهانێ بەلاڤ بوون، ئەڤرو پشتی نەمانا رژێما بشار ئەسەدی و هاتنا ئەحمد شرع و رزگارکرنا سوریا ژ رژێما دیکتاورا بشار ئەسەدی و ئازادکرنا دە یان هزار زیندانیێن سیاسی، جیهانێ هەمیا کەیف پێ هات و زوربەی دەولەتێن جیهانێ دانپێدان ب رزکارکرنا سوریا دا و هەتا هەرێما کوڕدستانێ ژی دانپێدان بدەسەلاتا نویا سوریا کر،و پشتی احمد شەرعی جو مگێن دەسەلاتێ گرتین و هندەك پشتەڤانێت نیف دووەلی وەرگرتین و تایبەتی ئەمریکا ئابلوقا ئابوری لسەر سوریا راکری،گەرماتیەکێ ل دەسەلاتا سوریا چێ بو کو تنێ سوریا ئێك پارچەیه و نابیت چ جار بهێته پارچەکرن،،،،
چەك تنێ دەستێ دەولەتا سوریێ دا بیت،ئەڤه راستییا عەرەبانه، هەر دەمێ بهێز کەفتن دێ خیانەتێ ل کوردا کەن،تەمامەن وەك سیناریویا 16ئوکتوبەرێ دێ ل روژئاڤا دوبارەکەن، ئەگەر شیانێت سوریا یێن لەشکەری بهێز کەفتن چ ئەڤڕو بیت یان سوباهی، بەلێ یا باش ئەوە هێزێن ئەسەدێ هندی بشێن ب دان و ستاندن مافێن روژئاڤا وەرگرن باشتره ژ شەری چنڪو مە کوردا چ پشتەڤانی نینه، نە وەك دورزیانین کو جوهیی راستەوخو پشتەڤانیێ لێ دکەن و باشه کورد ل روئاڤا باش هشیاربن چاڤا ل دورزیا نه کەن، هەتا بشێن دەست ژ دانوستاندنا و مافێن خو بەر نەدن ،،،،
قەد هزر ل چەکدانا نێ نەکەن ، هەر دەمێ هەسەدێ چەکدانان ئانکو نەمانا کوردانا ل روژئاڤا یان چ پارچێن کوردستانێ نامینن ب ناڤێ کوردستانا روژئاڤا ، هەر چەندە مەترسیێت مەزن ژی ل پێشییا هەسەدێ دێ هەبن ، بەلێ چەکدانان ئانکو مرنا بکوم ل روژئاڤا،فەره بو ڤێ قوناغا هەستیار ل روژئاڤایێ کوردستانێ ئێك رێزیەکا نیشتمانی دورست بکەن هەمی حزبێن سیاسی یێن روژئاڤا بەشداربن و ئێك هەلویست وەر بگرن بەرامبەری هەلویستێ سورییا راوەستن ب ئێك دەنگ دوڕیشمێ یان کوردستان یان نەمان ل روژئاڤایێ کوردستانێ بلند بکەن ئەگەر ئێك رێزی چێ نەبیت تاك رەوەییا هەسەدێ دێ ژ ناڤچیت و بیتە ئەگەرێ هەلوەشاندنا حکومەتا خو جهییا روژئاڤا. بژی کورد
