فەرماندەیا ئوپەراسیونێن بەغدا ئەڤرۆ ئێک شەمبی راگەهاند، د 72 دەمژمێرێن بوری دا، 30 تومەتبار ب کەیسێن جودا هاتینە دەستەسەر کرن و دەست ب سەر فرۆکەکا بێ فرۆکەڤان ژی دا هاتیە گرتن.
فەرماندەیا ئوپەراسیونێن بەغدا راگەهاند، د 72 دەمژمێرێن بوری دا تیمێن هەڤپشک یێة فەرماندەیا ئوپەراسیونان ل هەردو پشکێن کەرخ و رسافە یێن بەغدا، 30 تومەتبار دەستەسەرکرینە و ل گورەی یاسایێن جوراو جور، ژ وان ژی ماددەیێن بێ هوشکەر، چەکێ بێ دەستیری، تیرۆرو، هەروەسا شیاینە دەست ب سەر فرۆکەکا بێ فرۆکەڤان یا بێ دەستیری دا بگرن.
د راگەهاندنێ دا هاتیە، دەست ب سەر چار کلاشینکوف، 23 دەمانچە، 1هزار 530 کەلوپەل و پارچێن جێواز یێن نە یاسای دا هاتینە گرتن، هەروەسا دەست ب سەر 15 مەخزەن و 100 گرامێن ماددێ بێهوشکەر ژ جورێ کریستال و 151 حەبێن بێهوشکەر دا هاتینە گرتن.
فەرماندەیا ئۆپەراسیۆنان دیارکرییە، دەستەسەرکری ل گۆرەی کەیسێن پێ هاتینە دەستەسەر کرن دێ هێنە راوانەکرن بۆ دادگەهێ و دێ رێکارێن یاسای دگەل هێنە ئەنجام دان.
Comments are closed, but trackbacks and pingbacks are open.