پێشبینیا بەردەوامیا بەفربارینێ ل دەڤەرێن چیایی دهێتەکرن د ئەڤشەڤەدا دگەل بارینا بارانەکا کێم ل سەنتەرێ باژێران و سبەهی ژی ئەسمان دێ هێتەگۆهرین بۆ نیڤ عەوران.
رێڤەبەریا گشتیا سەقاناسی و ئەردهەژزانا هەرێمێ بەلاڤکریە، پێشبینیا بەفر بارینێ ل دەڤەرێن چیایی و باران بارینێ ل سەنتەرێن باژێران دهێتەکرن.
دەربارێ سەقایێ سبەهی ژی، سەقاناسیا هەرێمێ گۆت، سبەهى رۆژا ئەینى ئەسمان نیڤ عەور دبیت و هندەک دەمان دهێتە گۆهرین بۆ عەورێن تەمام دگەل ئەگەرێ بارینا کێمەکا بارانێ ل دەڤەرێن چیایی.
سەقاناسیێ ئەویەک ژی بەرچاڤکر، ل دەما ١٢ دەمژمێرێن دناڤبەرا ٩ێ سپێدێ بۆ ٩ی شەڤێ زۆرترین باران ل ناحیا بارزان باریە کو ٢٥،٢ ملیمەتر بوونە و کێمترین ژی ل کەرکوکێ بوویە کو ١،١ ملیمەتر بوویە.
Comments are closed, but trackbacks and pingbacks are open.