وەزارەتا دەرڤەیا ئەمریکا ئیدانا هێرش کرنێ لسەر قونسلخانا سوید ل بەغدا دکەت و دبێژیت جهێ قەبیل کرنێ نینە کو هێزێن ئەمنیێن عێراقی کار بو رێگریکرن ل خوپێشاندەرا نەکریە بەری هێرش بچیتە لسەر قونسلخانا سوید و داخواز ژ حکومەتا عێراقێ دکەت ب یاسایا نێڤدەولەتی پارێزگاریێ ل نوینەرێن دیپلوماتکارێن وەلاتێن نێڤدەولەتی بگریتن.
ماتیو مولەر گوتەبێژێ وەزارەتا دەرڤەیا ئەمریکا داخویانيەك راگەهاند کو وەلاتێ ئەمریکا یا نیگەرانە سەبارەت هێرش کرنێ لسەر قونسلخانا سوید ل بەغدا ژ لایێ خوپێشاندەرێن عێراقیڤە.وهێزێن عێراقێ ب وێ چەندێ تومەتبار کرنە کو چ هەولا نەدایە کو رێگریێ ل خوپێشاندەرا بگرن
گوتژی: ئازادیا خوپێشاندانێن ئاشتیێ هێمایێ تایبەت ب دیموکراسیەتێ بەلێ پا ئەوا شەڤا دەربازبووی رودایی کارەکێ پێشلکاریێ بوو،جهێ قەبیل کرنێ نینە کو هێزێن ئەمنیێن عێراقێ رێک ل خوپێشاندەران نەگرتیە هەتا بو جارا دووێ خوپێشاندەر بچنە ناڤ بینایەتێ قونسلخانا سوید و زیانێن مادی بگەهینە وی بینایەتی .
ئاماژە ب وێ چەندێ دا دگەل بالیۆزێ سوێد ل عێراقی د پەیوەندیێ دا و داخواز ل حکومەتا عێراقێ کریە کو رێزێ ل یاسایێن نێڤدەولەتی بگریتن و نوینەرێن دیپلوماتکارێن وەلاتێن بیانی ل وی ولاتیدا ب پارێزیت .
ئەڤ ل دەمەکێ دایە بەرپرسێن سوید رازەمەندی دایە لسەر ئەوا کو ئەڤرو پێنچشەمبێ ل بەرامبەری قونسلخانا عێراقێ ل سوید خوپێشاندان بهێنە کرن تێدا قورئانا پیرۆز و ئالایێ عێراقێ هاتبوونە سوتن ،و ئەڤ چەندە ژی ببوو جهێ نەرازیبونا عێراقیان و ئەڤ خوپێشاندان هاتە کرن ژ لایێ لایەنەگرێن موقتەدا سەدریڤە کو رێبەرێ رەوتا سەدر ئەڤ خوپێشاندانە هاتبوو رێکخستن و چونە سەر قونسلخانا سوید و ئاگربەردایێ .
وەزارەتا دەرڤەیا سوید داخویانيەكێدا راگەهاند سەبارەت هێرش کرنێ لسەر قونسلخانا وی وەلاتی ل بەغدا ب چ شێوا جهێ قەبیل کرنێ نینە و حکومەت ژی ب توندترین شێوە ئیدانە دکەت .
Comments are closed, but trackbacks and pingbacks are open.