پێشوار ئەحمەد گەنجەکێ گوندێ دوودیا ژێری یە ل دەڤەرا نەهلێ ناحیا دینارتێ سەر ب قەزا ئاکرێ ڤە بۆ زێیێ بادینان گوت: ئەڤە چەندین سالە مە وەک گوند ئاریشا کێم ئاڤێ هەیە و هەتا نوکە نەهاتیە چارەکرن.
گوتژی; پشتی سالا ٢٠١٠ تا ٢٠٢٣ێ پتریا ٤٠ مالان دناڤ گوندی دا نەمانە و نوکە ژی گوتگوتکێن هەی هندەک دیتر بارکەن ل گوندی و مە وەک گوند ژی چەندین جارا سەرا جهێن شۆلەژێ کریە نابێژین چج نەهاتیە کرن بەلێ وەک پێدڤی نەبوویە..
بۆ زانین ژی گوندێ د دەمەکێدا خودان رەز و باغێن باشبوویە دگەل هەبونا مەرومالاتەک باش ژی لێ ئەو ژی نەمایە و بەرەڤ نەمانێ دچن ب ئێکجاری و لەوما دخاز کەین چارەک ل مە بهێتە کرن . خەلکی گوندی نوکە نێزیکی ١٠٠ مالان و ب تانکەران ئاڤێ دکرن و ئەجە ژی دگەل نەبوونا مووچەی و قەیرانان ژی بوویە بار گرانیەک بۆ خەلکی .
ئەندازیار زرار ئەحمەد رێڤەبەرێ ئاڤا ئاکرێ کر و گۆت کو مە ئاگەھ ل بابەتێ کێشا کێم ئاڤیێ ل ڤی گوندی داهەیە،
دیسا وەک رێڤەبەریا ئاڤێ دگەل لایەنێن شارەزا چەندین جارا سەرەدانا گوندی کریە و دبێژن; گوندێ وان چو جهەک نینە بۆ لیدانا بیرا ئاڤێ و ل گورەی پسپۆر و شارەزایان ژی کۆ ٥٠٠ مەتران ژی بکولن ئاڤا وان ناهێت .
ئەندازیار زرار گوتژی: ب رێێن دیتر مە بزاڤکرینە لێ وان رێیان ژی هەتا نوکە سەر نەگرتیە و هەردەما رێیەک هەبیت بۆ چارەسەریێ ئەم بەرهەڤین . هەروەسا بۆ رێیە چارەیەکێ دەمەکی د نوکە دا مە تانکەر بکارئینان و ب ڤێ ریێ دکارین د نوکەدا ئاریشا وان کێمتر ببیت .
ژلایێ خۆ ڤە ژی کۆ پشتی زێیێ بادینان پەیوەندی ب رێڤەبەرێ ناحیا دینارتێ کری گوت; راستە ئەڤ گوندە و دبیت هندەک گوندێن دیتر ژی هەنە ل دەڤەرێ کۆ ئاریشا کێم ئاڤیێ هەبیت و یا دەستێ مە بهیێت بۆ دەڤەرێ د هەر وارەکێدا بیت کەمتەرخەمی ناکەین و مە نەکریە ژی .
گوتژی, گوندێ دوودیا ئاریشا وان ئەوە ئەردێ وان یا دادگەهێ جونکی پتریا ئەردێ وان نە یێ چاندنێ یە و یێ ملکە ژبەرهندێ و ل ٣ هەیڤا بهێت ل دادگەهێ بریار هێتە دان و محکەما وانە و چاڤەرێینە کۆ بهێتە چارەکرن .
🔹راپوورت
بێوارحسێن
Comments are closed, but trackbacks and pingbacks are open.