ئاراس علی
:
سترانا دیروکی و داستانێ یاعیسێ دەلا ) ژ پەیڤێت هەڵبەستڤانێ بەرێز (ادیب چەلکی ) ژ ئاوازو سترانا هونەرمەندێ دەنگبێژ (حسن شریف ) بەلێ پشتی دەمەکێ درێژ و ماندیبوونەکا مەزن ژ دانوستاندێن ل ناڤبەرا هەردوو بەرێزان دا (ل ئەلمانیا – سوید و ستەنبولێ) قۆناغا ئێکێ ژ ئامادەکرنا سترانا دیرۆکی و داستانی یا (عیسێ دەلا) ب دووماهی هات. ستران هاتە کلیب کرن و تۆمارکرنا موزیکێ و دەنگێ هونەرمەندی یا بدووماهی هاتی. هونەرمەندێ بەرێز ( هارون ئەلکی ) موزیکا سترانێ ب ئامیرێن کوردی ل ستۆدیۆیێن ستەنبولێ تۆمارکریە، هونەرمەندێ دەنگبێژ (حسن شریف ) ل ستودیۆیەکا ستۆکهولم ل سوید دەنگێ خوە تۆمارکریە. ستران نێزیکی حەفت چرك و نیڤا ڤەدکێشیت ئاوازا وێ گەلەکا خۆش و دەولەمەندە و چار – پنێج گۆڕین تێدا هەنە. هەلبەستڤان (ادیب چەلکی ) بڤی ئاوایێ بو مالپەری ددەتە خویاکرن و دبێژیت … لێ بدیتنا من ئەڤە دەولەمەندترین ئاوازا هونەرمەندێ دەنگبێژ (حسن شریف ) یە. وەکی کو ژ ناڤی خوەیایه مژارا سترانێ ل سەر پەیامەکا دەولەمەندە ژ دیرۆکا میرگەها بەهدینان و پایتەختێ وێ ئامێدیێ و رۆلێ فەیلەسوف و زانایێ دەڤەرا ئامێدیێ عیسێ دەلا، کو وەزیرێ میر بەهرام پاشایێ میرێ ئامێدیێ بوو ل1714 – 1768 ێ. بڕیارە ل وەرزێ ڤێ پایزێ دەست ب کلیپکرنا دیمەنێن وێ بکەین و هەتا بوهارا سالا داهاتی دا بێتە وەشاندن. بڤێ چەندێ ئەز هزردکەم کو من و هونەرمەند (حسن شریف ) وژدانا خوە ل بەرامبەر خەلکێ بەهدینان و عاشقێن دیرۆکا وێ تایبەتی خەلکێ دەڤەرا ئامێدیێ تەناکریە. سوپاس بو هەر ئالیەکێ هەڤال و برادەرێن مە هاریکارو پشتەڤان بووینە بو رەنگڤەدانا ڤێ سترانا دیروکی و داستانێ یاعیسێ دەلا سوپاس بو مالپەرێ زێ بادینان و مالپەرێ هونەری و سەرکەفتی بن
Comments are closed, but trackbacks and pingbacks are open.