▪ هەلبەستڤانێ هێژا (مصطفی حسێن ) ناسناڤێ گەنجینەیا ژبەرکرنا هوزانا کوردی ل دەڤەرێ تێتە هەڤنیاسین ــ زێیێ بادینان
زەنون سلێڤانەی ــ زاخو
بێگومان زوربەیا نڤیسکارو رەوشەنبیر و خودان قەلەمێن زێرین و گەنجێن هەلبەست نڤیس و خەلکێ دەڤەرێ تایبەت ل دەڤەرێن بادینان ژدویرۆ نێزیك ڤی هوزانڤانێ خودان پری خزمەت و دنڤێسین ۆ پەرتووکێن ئەدەبی دا هەر کەسێ هاتی ل دیوان و سوحبەتا ڤی هوزانڤانی بچڤن ژ سەروسیمایێ پری بحەنک و بگرنژین ڤە مروڤ ژێ تێرنابیت بەلێ راستە چ پێ نەڤێت جار جاران یادە و بیرەوەریێن خەم و هەست و نیشتیمانپەروەریێ و بێهنا کوردینیێ ژ سەرو سیمایێ ڤی هوزانڤانی دفریت
ئانکو هوزانڤانی چەندین ناسناڤێن هەمەرەنگ دبیاڤێ ئەدەب و شیعرو هوزانا کوردی دا ب زاراڤێ کرمانجی و پیتێن لاتینی ژی نڤێسین کریە ناسناڤێ هێژا یان کەوێ روباد و ماموستا و هوزانڤا نڤیس لجەم خەلکێ دەڤەرێ یێ تێنه هەڤنیاسین ،
سەبارەت لگورەی هەڤدیتن و هەڤنیاسینا ڤی هوزانڤانی مە چەند رێزکاکاندا بخامەی خوە من نزانی دێ چاوا هەستێن خوە دەربرینم تشتەکی ژ هەژی پێشکێشی وی بکەم من نەڤێت بابەتێ مە درێژبیت مە لڤێری ژی ناسناڤێ گەنجینە یا ژبەرکرنا هوزان و هەلبەستا کوردیا پەسن و پیناسە کری تشت ژهەمیێ سەرنجراکێش ئەوە دشێت دڤی تەمەنێ خوەیێ گونجایێ دا شیعرو هەلبەستێن خوەیێ دژیێ گەنجاتیێ دا یێن ژبەری چل سالان پتر هێشتا ل بێریێ یە ژبەرکرینە چەند جاران دجڤین و مێزگەردێن ئێڤاریا ل ناڤەند و سەنتەرێن رەوشەنبیری دیوانێ برەش دئێخیت هەیا نهاژی بەردەوامە ژبەری بداویێ ڤی بابەتی ب تیرو تەسەلی چەند رێزکەکاندا شروڤەکرنەکێ ددەینە لسەر ژیانا هورانڤان و ماموستاێ هێژا ( مصطفی حسێن ) یێ ناسیارە (هێژا )
- ل ١\٧\١٩٥٦ ل گوندێ ترکژا دەڤەرا سلێڤانەیا هاتیە سەر دونیایێ
- ل سالا ١٩٦٢ ل قوتابخانا ( ثانيه ) یا سەرەتایی ل زاخۆ دەست ب خاندنێ کریە
- بو دەما ( ٣ ) سالان ژ خاندنێ ھاتیە ڤەقەتاندن د ژیێ ٧ سالیێ دا ژبەر ئەگەرێ نەخوەشیا دلی ل نەخوشخانەیێن مووسل و بەغدا بتنێ مایە چونکە باب و مام و پسمامێن وی ھندەک پێشمەرگە و ھندەک دناڤ زیندانێن رژێما وی سەردەمی دا بون و پشتی نشتەگەریێ جارەک دی ڤەگەریا زاخۆ بو خاندنێ
- ل سالا ١٩٧٠ قوناغا سەرەتایی ب دماھی ئینات
- ل سالا ١٩٧١ چۆیە ناڤنجیا بەدرخان ل زاخـۆ
- ل سالا ١٩٧٣ دەست ب ڤەھاندنا ھەلبەستان کریە
- ھەر ل سالا ١٩٧٣ ھاتیە رێکخستن دگەل ئێکەتیا قوتابیێن کوردستانێ دناڤ رێزێن پارتی دیموکراتی کوردستان دا و ئەندامەکێ چالاک بویە
- ل سالا ١٩٧٤ بو ١٩٧٥ بەشداربوویە د ئاوارەبونا مللەتێ کورد دا و ھەر ل وێرێ ل قوتابخانا کوردی بو دەما دوو سالان خاندییە لێ رژێمێ نە ھژمارت
- ل سالا ١٩٧٤ ھەلبەستێن وی دھاتن رەوانەکرن بو ئێزگێ کوردی ب رێکا لژنا ناوچا زاخـۆ ب دەستێن کادر ( تەھا مەلا عەبدولجەلیل ) و ئەو ھەلبەست ب پالەوانیا پێشمەرگا دھات گوتن دژی داگیرکەرا. نمونە ژی
دێ پـێـشمـەرگە بـم ھـەتا ھـەتایە
دێ خـەبـاتکەربم چـەند گـیان مایە
چەند گولە تۆپان بێخن سینگێ مـن
بـەنـکـێن قـنارێ بـاڤـێن قـرکـا مـن
دێ پـێـشمەرگـەبم دا بـچم بو پـێش
ھـندی بـارزانی ئـەڤرۆکـە سـەرکێش - ھەر ل سالا ١٩٧٤ پشکداری د مەشقەکا سەربازی دا کریە لسەر مەدفەعێت ١٠٦ ل نێزیک ڕایات دگەل چەند ھەڤالان ژبو بەرەڤانیکرنێ ژ ئاخا کورستانێ
- جارەک دی زڤری زاخۆ و ل سالا ١٩٧٦ قوناغا ناڤنجی ھەر ل قوتابخانا بەدرخان ب دماھی ئینات
- ل سالا ١٩٧٦ چویە مالی مامۆستایان ل دھوکێ و ل سالا ١٩٧٩ ب دماھی ئینایە
- ل سالا ١٩٧٨ بویە ئەندامێ ئێکەتیا نڤێسەرێن کورد ل دھوکێ
- ل سالا ١٩٧٩ ژیانا ھەڤژینیێ پێک ئینایە
- ل رێکەفتی ١٩\٩\١٩٧٩ ھاتیە دامەزراندن ل قوتابخانا زێوک سندی پاشان بو بێرسڤێ وقوتابخانەیێن سەرەتایی و ناڤنجی و ئامادەی و خاندنا مەزنا یا بلەز ل زاخـۆ
- ل سالێن ھەشتێیان ھوزان ھەبون ل گۆڤارێن (( پاژگوی عێراق ، ھاوکاری ، گۆڤارا کاروان )) لێ جھێ داخێیە ل دەما مشەختبونا ملیونی ئەو نڤێسین نەمان
- ل سالێن ١٩٨٢ل بێرسڤێ و ١٩٨٨ و ١٩٨٩ و ١٩٩٠ ل زاخـۆ داخاز ژێ دھاتەکرن ھەلبەستان ب بیرەوەریا ژدایکبوون و پەھلەوانی یێن سەرۆکێ رژێما بەعسا فاشست بێژت و دھات ڕەوانەکرن بو دھوک و ھەولێر و مصیف صەلاحەدین و لێ ھەرجار ب بھانەیەکێ خوە قورتال دکر
- ل سالا ١٩٨٤ ل بەغدا د بیرەوەریا ( میقداد مەدحەت بەدرخان )ی دا ب ھوزانەک نەتەوەیی پشکداری کریە ب ناڤێ ( ل وەڵاتێ مشەختبونی )
- ل سالا ١٩٨٤ نڤێسینەک لسەر ژیانا حەسەنێ جزیری ل گۆڤارا رۆژی کوردستان ژمارە ٦٦ بەلاڤکریە
- ھەلبەستەک ل ژێر ناڤێ ( کۆمکرن ) ل بزاڤ ژمارە ( ٣٠ ) سێ شەمب ٢٠\٢\١٩٩٠ ھاتیە بەلاڤکرن.
- ھەلبەستەک ل ژێرناڤێ ( بزاڤم ) دا ل گۆڤارا بزاڤ ژمارە ( ٢٤ ) ٢٠\٣\١٩٩٠ ھاتیە بەلاڤکرن.
- ل سەرھلدانا زاخۆ یا ١٩٩١ێ رۆلەك کارا ھەبویە ل راگەھاندنێ دناڤ جەماوەری دا ب چەندیت ھوزانا ژ وانا ( برێ من ڕابە )
- ل رێکەفتی ٢٨\٧\١٩٩٢ پلا کادریێ ل سنورێ زاخـۆ وەرگرتیە
- ھەروەسا پشکداری چەندین ڤیستەڤالێن ھەلبەست خاندنێ بویە و چەندین خەلاتێن رێزلێنانێ وەرگرتیتە ل سنورێ زاخۆ و کوردستانێ ب گشتی و ھەروەسا سوپاسیەك رێزگرتنێ ژ ئالیێ کاك ( مەسرۆر بارزانی )ڤە وەرگرتیە
- ل ڕێکەفتی ١٤\١٠\٢٠١٩ ھاتیە خانەنشین کرن
ئەڤ پەرتۆکێن ل خارێ چاپکرینە
▪️پێتێن مشەختیێ ( ھەلبەست ) سالا ١٩٩٤. چاپخانا ھاوار
▪️پەسن و ڕەخنە ( ھەلبەست ) سالا ٢٠٠١. چاپخانا ھاوار
▪️دیلۆک ( سترانێن دروین و دیلانان ) سالا ٢٠٠٥. چاپخانا وەزارەتا پەروەردێ
▪️مێرگا خوینێ ( ھەلبەست ) سالا ٢٠٠٨. چاپخانا ئازادی
▪️دگەل چرکان ( ھەلبەست ) سالا ٢٠١٢. چاپخانا ھاوار
▪️گول دبە کول ( ھەلبەست ) سالا ٢٠١٣. چاپخانا ھاوار
▪️لێ لێ مە دیتن لۆ لۆ ( ھەلبەست ) سالا ٢٠١٧. چاپخانا ھاوار
▪️کا ئەو پەڕە ( ھەلبەست ) سالا ٢٠١٩. چاپخانا ھاوار
▪️قەیرانا زەوقی ( ھەلبەست ) سالا ٢٠٢٠. چاپخانا ھاوار
▪️رۆنیا گەلان ( ھەلبەست ) سالا ٢٠٢١. چاپخانا تەهران ل ئیرانێ هاتیە چاپکرن
▪️مژا گور یاران ( هەلبەست ) سالا ٢٠٢٣. چاپخانا هاوار
Comments are closed, but trackbacks and pingbacks are open.