دکتور.کاوە عبدالعزیز، شارەزایێ ئابووری.
- حکۆمەتا عیراقێ زۆر ب زانایی و ب هویری ئانکو ب دەرزیکێ یا بن پێیێن حکۆمەتا هەرێمێ دکۆلیت ودبيت فەرمانبەر ڤێ هەیڤێ مووچەی وەرگرن وهەیڤا بهێت نەبیت.
- زۆر یا ب زەحمەتە ومستەحیلە د دەمێ هەیڤەکێ دا ژمارێن بانکی بۆ مووچەخۆرێن هەرێمێ بهێنە دروستکرن و هەکەر هوسا بیت، بتنێ دێ مووچێ هەیڤا دوو وەرگرن ومووچێن مەها سێ ناهێنە مەزاختن.
- تایێن بەنکێن رەشید ورافیدەین ل هەرێمێ نینن ومەرجێ عیراقێ مەزاختنا مووچانە ل سەر ژمارێن بەنکێن فیدرال. یان دڤێت هەردوو بەنک تایێن خۆ ل هەرێمێ ڤەکەن یان بەنکێن هەرێمێ راسپێرن بۆ ڤەکرنا ژمارێن بەنکی ب هەماهەنگی دگەل یێن فیدرال.
- دڤێت حکۆمەتا هەرێمێ یا هشیار بیت ل قوناغا داهاتی دێ عیراق لیستێن مووچان راستوخۆ ژ پارێزگەهان وەرگریت و هوسا دێ دەرزەکا دی ل قەوارەیا هەرێمێ کەڤیت ومەترسی زێدەتربیت.
- ل دویف بریارا دادگەها فیدرالی دڤێت مووچوخۆرێن هەرێمێ هاوشێوەی یێن عیراقێ بن، مادەم ب ڤی رەنگی یە باشتر ئەوە حکۆمەتا هەرێمێ لیستا مووچان ب راستڤەکری وبلندکرنا مووچان وەکی یێن عیراقێ رەوانە بکەت.
- باشترە پلە بەرزکرنا فەرمانبەران ژ ڤێ مەهێ دەست پێ بکەت چونکی ئەرکێ مەزاختنا مووچان بوویە ئەرکێ حکۆمەتا فیدرل ل دویف بریارا دادگەها فیدرال.
- نە دبوو پەرلەمانتارێن کورد یێن ئەڤرۆ د کۆمبوونێ دا رازی ببان هەکەر فەرمانبەرێن هەرێمێ ژ مەها ئادارێ ژمارێن بەنکی یێن فیدرال نەبن مووچە نەهێتە مەزاختن ژبەکو دشیان دانینە بهێنە دروستکرن ودروستەکرنا ژمارا بانکی یا ئیتیحادی ئەرکێ حکۆمەتا فیدرال ووەزارەتا دارایی یا عیراقێ یە.
- بۆ پتر پێزانینان سەر چارەنڤیسێ مووچان وبریارێن حکۆمەتا فیدرال ئەڤ شەڤە دەمژمێر 7:00 دێ مێهڤانێ کەنالێ سەتەلایتا کوردستان بم چاڤەرێ بن.
Comments are closed, but trackbacks and pingbacks are open.