ڕێڤه‌به‌رێ ئۆفیسا دهۆك یا كۆمیسیۆنا بلندا سه‌ربه‌خۆ یا هه‌لبژارتنێن عیراقێ ڕاگه‌هاند، ل 20ى ڤێ هه‌یڤێ ناڤ تۆماركرن بۆ سه‌ر سندۆقێن ده‌نگدانێ دێ ده‌ستپێكه‌ت، ل ڤێ حه‌فتییێ ژى ئامیرێن ده‌نگدانێ دێ ب مه‌ره‌ما پشكنینێن بۆ به‌غدا هێنه هنارتن.
خالد عه‌باس ڕێڤه‌به‌رێ ئۆفیسا دهۆك یا كۆمیسیۆنا بلندا سه‌ربه‌خۆ یا هه‌لبژارتنێن عیراقێ بۆ ئاژانسا خانى دیاركر، به‌رهه‌ڤییێن هه‌لبژارتنێن په‌رله‌مانێ كوردستانێ گه‌له‌ك ب باشى دهێنه‌كرن، ل ڤێ حه‌فتییێ ئامیرێن ئه‌لكترۆنییێن ده‌نگدانێ ب مه‌ره‌ما پشكنینێن دێ بۆ به‌غدا هێنه هنارتن.
گوت ژى: ل 20ى ڤێ هه‌یڤێ ده‌رگه‌هێ خوه تۆماركرنێ بۆ كارمه‌ندێن ب هه‌ڤبه‌ست بۆ ڕۆژا ده‌نگدانێ دێ هێته ڤه‌كرن، كۆمیسیۆنا هه‌لبژارتنێن عیراقێ بۆ هه‌لبژارتنێن په‌رله‌مانێ كوردستانێ دێ پێدڤى ب 50 هزار كارمه‌ندێن ب هه‌ڤبه‌ست بیت، ل دهۆكێ نێزیكى 11 هزار كارمه‌ند ب هه‌ڤبه‌ست دێ هێنه وه‌رگرتن.
Comments are closed, but trackbacks and pingbacks are open.