ب پشتەڤانیا حکومەتا هەرێما کوردستانێ وکابینا نەهی کو ئێک ل بەرنامێ وێ گرینگی دانە ب جهێن شوینواری، ل سەر داهاتێ وەزارەتا شارەوانی و گەشتو گوزار دەست ب نیژەنکرنا هەردوو قەسرێن (دلبێ و کەمبەلانی-کەمبەرلاند) هاتە کرن ..
دکتور .بێکەس بریفکانی بۆ زێیێ بادینان دا خویا کرن ل دۆر بابەتی و دبێژیت.
رێڤەبەرییا شوینوار و کەلەپوورێن دهوکێ دەست ب نیژەنکرنا هەر دوو قەسرێن (دلبێ و کەمبەلانی- کەمبەرلاند) کرن، ل سەر داهاتێ وەزارەتا شارەوانی و گەشتو گوزار ل ژێر چاڤدێرییا رێڤەبەرییا گشتی یا شوینوار و کەلەپوورا ب هەماهەنگی دگەل رێکخراوا (The lotus flower) کو (٣٥) کرێکار ژلایێ وانڤە هاتینە دابین کرن.
- ئاڤاهیێ (قەسرا کەمبەلانی- کەمبەرلاند) ئێک ل ئاڤاهیێن گرنگە کو دکەڤیتە سەنتەرێ باژێرێ دهوکێ – دهوکا کەڤن خودان تەلارسازیەکا بالکێشە، ل سالا (١٩٢٧) هاتیە ئاڤا کرن ژ لایێ (روجر کرێغ کەمبەرلاند”١٨٩٤-١٩٣٨”) و ببو جهێ حەواندنا وی، ل کەڤندا هاتبو ب کار ئینان وەک نەخوشخانەک و پاشان چەند سالەکا هاتە ب کارئینان وەک بنگەهەکی سەر ب رێڤەبەرییا پوستەوگەهاندنێ، د نوکەدا رێڤەبەرییا شوینوار کەلەپوورێن دهوکێ دەست ب نیژەنکرنا ڤی ئاڤاهی کریە بو پاراستنا ڤێ تەلارسازیێ و ل ئایندە سود لێ بهێیە وەرگرتن بو بو مەرەمێن شوینواری.
- ئاڤاهیێ (قەسرا دلبێ) دکەڤێتە گوندێ دلبێ سەر ب قەزا سێمێلێ ئاڤاهییەکە بشێوازەکێ جیاواز هاتیە ئاڤاکرن ژلایێ بیناسازی و تەلارسازی، ئەڤ ئاڤاهی یە د ناڤبەرا سالانێن (١٩٠٠-١٩٠٥) هاتیە ئاڤاکرن ژلایێ (الحاج محمد سليمان النائب) یێ ناڤدار ب (حجی محمد افندي النائب”١٨٧٥-١٩٣٩”) ئێک ل کەسایەتیێن ناڤدار بویە ل دەڤەرێ وخودان پێگەیەکا کومەلایەتی بویە و پەیوەندییەکا مکوم هەبویە دگەل مەلکێ عیراقێ، ئەڤ ئاڤاهیە ل جهەکێ بلند هاتیە ئاڤاکرن، نیژەنکرنا ڤی ئاڤاهی دێ سودەکا گرنگ هەبیت ل ئایندە بو مەرەمێن گەشتیارییا شوینواری.
@followers
Comments are closed, but trackbacks and pingbacks are open.