بێوارحسێن زێباری، ھەولێر:
ئەڤا نوکە یا بەغدا ھەمبەرێ کوردستانێ دکەت، نەک یا دوێنێ و پێر و ئەڤرۆکەیە، بەڵکو یا بەریا دەھان ساڵانە و دێ یا بەردەوامبیت ژی و ناھێتە قوتکرن ئەڤ جۆرە ئاریشە دگەل کوردان. ژ مەبیرە ھەر باب و باپیران نوکە ژ مە و بگرە ژ نڤشێ نوێ ژی ئەڤ ئاریشە ناھێنە بنبڕکرن دگەل بەغدا و بێ دوو دلی و سەدەھا کۆمبن و شاند بھێن و بچن ژی تنێ وانا وەکە دبێژین زۆر جاران عاقلێ ژنێ د کوشا وێدایە.. ھەردەما ڕابوو پیاڤە ئێکسەر دکەڤیت. دانوستاندن دگەل بەغدا ب ڤی ئاواینە و ھەتا بگرە خرابترن ژی و دیسان بۆ دڵنیا بوون کو ئەڤە نەد باوەرێنە ژی بەرھندێ پەیوەندیکرن دگەل ڤانە یا زەحمەتە و ژیان بڕێڤە ناچیت.
لێرە دا مە نەڤێت زێدەتر ڕاوەستاندنێ بۆ ھندێ بکەین چونکی ھندی بکەی و بھێن خرابتر دبیت و لەوما یا مە بڤێت و گرنگ بیت بۆ مە ئەوە کو یا بەغدا شەڕەکە دگەل ھەڕێمێ بێ دوو دلی و چ ناھێتە ڤەشارتن ژی کو کوردستنان ڕۆژ ب ڕۆژ یا پێشدکەفیت و گوھۆڕین دھێن کرنێ و ئەو نەمایە ئەوا وانا ھزر ھندێ داکر و زۆ یا ھاتییە گوھۆڕین زێدەتر ژ وی قەبارێ وانا پێشبینی دکر.
نوکە ئەوا ل کوردستانێ دھێتە کرنێ زۆر زەحمەتە ل پارێزگەهێن خوارێ ئەڤ چەندە ھاتبیتە کرن، وەکو: کەرتێن گەشتیاری و ئاڤاەدانی و بگرە ئارامییا باژێرو و گوندان…..ھتد. بەرھندێ ھندی ژ وانا بھێت و دەستێ وان درێژ بیت ئەو دێ دژی کوردان بڕیاران دەرکەن.
نوکە بەغدا دژی ھەرێما کوردستانێ بڕیار ل دۆڤ بڕیارێ دەردکەت و بگرە ژ شەڕێ تۆپ و فڕۆکان خلاس بووین و بوویە شەڕێ ئابووری و بازرگانی و دەروونی…ھتد.
مە نەڤییایە کو ب درێژی بەحسا وان گشت بڕیاران بکەین یێن دژی کوردان د ھەر بوارەکێدان بن ھاتینە دان، لێرە دا بەحس بکەین، بەلێ یا مە ڤیایی ئەو بوویە ئەڤرۆکە شەڕێ وان بوویە شەڕێ بازرگانی و بڕیارەک دژی بازرگانێن ھەرێمی دەرکریە و ئەو چەندە ژی دبیتە ئەگەرێ ھندێ کو ئەڤ جۆرە کارە ژی کاریگەریا خۆ ھەبیت بۆ کارێ بازرگانییکرنێ.
” بەغدا بەردەوام ئاریشا بۆ هەرێمێ دروستکەت و نوکە شەڕێ ئابووری و دەروونی دگەل کوردان دکەت”.
کو بانکا ناڤەندی بازرگانێن ھەرێمێ نەجار و پایەند دکەت ب وێ بڕیارێ کو کۆدەکا نوی بدەستخۆڤەبینن و ئەوا ئەڤ چەندە ل ھەرێمی کارێ خۆ یێ ئاسایی نامینیت و ڕاستەخۆ ھەر کار و داتایەک دەرباری کارێ بازرگانان ئێکسەر دێ چیتە بەغدا و کەواتە ئەڤ جۆرە بڕیارە کاریگەریا خۆ یا ڕاستەخۆ دکەتە سەر بارێ ئابووریی یێ کوردستانێ.
ھەروەھا ئەو چەندە کریە کو ئەڤ جۆرە کۆدە دڤێت ڕاستەخۆ ل دەستەیا گشتی یا کومرگێن بەغدا بھێتە وەرگرتن و دڤێت لبن چاڤدێریا وان بیت، بەرھندێ دبینین کۆ بەغدا ڕۆژانە یا بھانە یان دبینت بۆ نەدانا مووچە و دەستدانا وان ماف و دەستکەفتێن ب دەست کوردان ھاتی و ببن ئەگەرێ دورستبوونا کاریگەریا خۆ ل سەر قەوارەیا کوردستانێ و لاواز کرنا مە. بەلێ کورد نوکە بهێز کەتینە و ئەو چەندە ناهێتە کرن و سەرۆک بارزانی بەردەوام کار ل سەر بهێزکرنا کوردستانێ کریە و دکەت.
بەلێ دگەل ڤێ چەندێ ژی دبین کو ھندەک لایەنێن کوردان، بخۆ ئەو ژی دگەل وان دا ڕابوونە ب سکالا و نەڕازیبونێن خۆ ل بەغدا و لاوازکرنا کوردان ل وێری و خۆ نیشاندانە و وان ب باشی لێ نزانن کو ئەڤ چەندە ژی دبیتە تیرەک و دلێ کوردان دکەڤیتە و دووبارە ئەڤ جۆرە ئاریشە بۆ کوردان دروست دبن.
ئەڤە دبیتە ئەگەرێ ھندێ کو بەغدا یا بەردەوام بەھان و ئاریشان بۆ کوردان دروست دکەت و نەڤێت ئەڤ جۆرە کار و کریارە ب باشی و بێ گرفت بۆرن ل ھەرێمێ بەرھندێ وان یا ڤیایە ھەر جۆرە ئاریشەک بیت یان بڕیارەک بۆ کوردان تنێ دژ و بەرژەوەندیا وان تێدا بیت ەو دێ بجھئینن.
ئەڤ چەندە دبیتە ئەگەرێ دروستبوونا کاریگەریا هەبوونا لاوازبوونا ئابووریا کوردستانێ، بەلێ دڤێت لایەنێن مە ڤێ بڕیارێ و وان بڕیارێن د بەرژەوەندیا کوردان د انەبن بۆ شاندا بەغدا دهێن و دچن ب گرنگی وەربگرن و نەبیتە ئەگەرێ ڕێکخۆشکرنەک بۆ وان بۆ بڕیاڕین دیتر. وەکی مە پێشتر ژی گوتی، سەرۆک بارزانی، هەردەم ل سەر خەتە بۆ ناساندنا مللەتێ کورد و پاراستنا مێژوویا کوردستانێ.
Comments are closed, but trackbacks and pingbacks are open.