دیدار جبرائیل میکائیل
د چەند رۆژێن بوری دا ڤیستەڤالا شەن یا هەلبەست و چیرۆکێ ژ لایێ کومەلەیا شەن بۆ هەلبەست و چیرۆکێ و رێکخراوا YDO ل باژێرێ سلێمانییێ هاتە سازکرن
تێدا هەلبەستڤانێ گەنج دلدار محەمەد و چیرۆکنڤێسێ گەنج ئەڤراز حامد شیان ژ دهۆکێ رێزا ئێکێ هەر ئێک د بیاڤێ خودا ب دەستڤە بینن
هەلبەستڤان دلداری بۆ مە گوت : هەستەکا خۆشە کو پەیڤێن مرۆڤی بەری مرۆڤی ب فرن و بۆ باژێرەکی ببنە ناسنامە ، راستە ئەڤ وەلاتە هەمی ئێکە بەلێ باژێرێ مرۆڤی ژی پرتەکا رەسەنا ناسناما مرۆڤی یە ، ما ئەو دلدار دێ شێت بوتە چ بێژیت ئەو ل گەلەک دەلیڤا ژ بلی پەیڤێ چ دی نەیی ؟ چەند شانازی یە ل بن سیبەرا شەدایێ ، ئێکەم بوون دەنگێ نارینکا خۆ بلند بکەت ، تۆ باوەردکەی ، هندەکجاران ئەز نزانم کیژ پەیڤێ بۆ تە ببێژم و چ نەبێژم ئەڤ هەستێ من ب پەیڤان ناهێتە دەربرین، دەلیڤێ بدە ژ دل سۆپاسدارێ وە هەمیان بم یێن وە ب پۆستێن خۆ ب گوڤارێن خۆ ، ب دیدارێن خۆ خو ل بتنێمانا مە کریە خۆدان ، سۆپاس بۆ هەمیا ، سۆپاس بۆ منێ دوهی کو حەتا ئەڤرۆ دگەل من مایە وەفادار
هەروەسا ئەڤرازێ چیرۆک نڤێس ژی گوت : ئەزمونا من یا چیرۆکێ نەگەلەک یا درێژە بەلێ خۆشخالم بڤێ ساڤایەتیێ ڤه ل من دبیتە خودان و من پەلیسکێ سەر د ئێخیت ، هەکە بەردەوامی ژ من دویرنەبیت ، شەن بومن بیرهاتنەکا جوانە ، هیڤیدارم ئەڤ شانازیییە رێکێ نەگریت بۆ سباهی ، ژدل ژی سۆپاسدارێ وەمە بۆ گرنگیدانێ ، سۆپاس بۆ دوست وهەڤال و سازیێن تۆرێن جڤاکی ژ پیرۆزباهیان تژیکرین
