پارتى واتە خۆڕاگرى و کەرامەت و خاك و نیشتیمان

رێبوار حه‌مه‌لاو شوانی

پارتى دیموکراتى کوردستان ، ئەو هێز نەتەوەیی و نیشتیمانپەرەوەرەیە ، لە ناو قوڵایی گەلێکى ستەملێکراو سەریهەڵدانەوە و خەبات و بەرخودانى لە پێناو ڕەتکردنەوەى بن دەستى و بەدەستهێنانى ئازادى تێکۆشان دەکات ، بەگژ هەموو ڕژێمە ستەمکار و دوژمنان و داگیرکەراندا چووتەوە ڕێگەى نەداوە شکۆ و کەرامەتى گەل و نیشتیمانەکەى بشکێنڕێت ، بەتایبەت لە خەباتى دوێنى بەرانبەر بە ستەمکارییەکانى عێراق و ئەمڕۆى خەباتى سیاسى و دیپلۆماسى زۆر بە باشى لە مەرام و ویستى عەقڵییەتى دەسەلاتدارانى عێراق تێگەیشتووە و باش لە ئامانجى بیانووکانیان و هەموو ئەو فشار و کارتانەى بۆ دژایەتیکردنى ئەم گەل و نیشتیمانى خوێندۆتەوە
بۆیە،ئەمڕۆ خەڵکى کوردستان گەیشتە ئەو راستییەى ، پارتى دیموکراتى کوردستان و کاردانەوە و هەڵوێستەکانى بەرامبەر ستەمکارییەکانى عێراق بۆ ئەوە بووە ، تاکو خەڵکى کوردستان خاوەن ئیرادە و کەرامەت و بڕیارى سەربەخۆیی خۆى بێت و ئامادە نییە بۆ مووچەیەکى سەرشۆڕى بن دەستى چارەنووسى خۆى بداتە دەست گروپ و تاقمێکى ملیشیایی وەلایی کە نەک تەنها باوەریان بە دیموکراسى و دەستوور و هاوبەشى نییە ، بەڵکو چاویان بە ئازاد و ڕزگاریی کورد هەڵنایەت و نایانەوێت خاوەن خاک و دەسەڵاتى دیموکراتى خۆى بێت ، نیشتیمان و قەوارەیەک بەخۆێن وماندبوون و قوربانیدان بەدەستهاتووە و کەس خێرى پێنەکردوویین .
ئێستاش بۆ هەموو کوردستان ڕوون بۆوە ، ئەوانەى ، لەمێژبوو داواى رادەستکردنى هەموو داهات و سەروەری کوردستانیان دەکرد ، دەیانگووت بەغدا بامووچە بنێڕێت ، نەک هەر هەڵە بوون و فڕیووی دوژمنانى کوردیان خواردبوو ، بەڵکو لە چەواشەکردن و گەوجاندنى خەڵک هیچی دیکەیان لە هەگبەدا نەبووە و تەنها ئاغاکانیانیش ئێستا وەڵامیان نادەنەوە و پێیان پێدەکەنن .
بۆیە، وەک هەمیشە خەڵکى کوردستان بەهەمو وچین وتوێژەکانەوە شانازى بە ڕابەرى گەلى کورد سەرۆک مسعود بارزانى خۆیانەوە دەکەن ، چونکە خاوەن سەرکردایەتییەکى ژیرانە و هەمیشە لە پێناو بەرژوەندییە باڵاکانى کوردستان سازشى بۆ نەیارانى کوردستان نەکردووە و دژى هەر هەڵوێستک و پیلانگێرییەکى دەرەکى و ناوخۆیی کە دژى بەرژوەندییە باڵاکانى نەتەوە و نیشتیمانەکەیەتى وەستاوە، ئەوانەى داوایان دەکرد ، مووچەکان راستەوخۆ لەلایەن بەغدا وە بدرێت ، باش ئەو راستییە بزانن ، ئەگەر خوێندنەوە و هەوڵەکانى پارتى و بارزانى نەبووایە و بەرگرى و پێداگرى لە سەر قەوارەى هەرێم و بریارە سەربەخۆکانى نەکردایە ، ئێستا لە مێژبوو پرسێک بەناوى قەوارەى هەرێمى کوردستان بوونى نەدەما و رادەستى عێراق دەکرا .
گرنگە ئەو راستییەش بزانین ، مەرام و خەونى لەم مێژینەى شۆڤێنییەکانى عێراق ئەوە بووە زیان بە قەوارەى هەرێى کوردستان بگەێنن و نەیهڵێن ، چونکە باوەریان بە هاوبەشى و فیدڕاڵى و دەستوور نەماوە ، لە رابردوو و ئێستا وداهاتووش هەموو کارێک دەکەن بۆ ئەوەى کوردوکوردستان لاواز بکەن ، ئەو قەوارەى بەخوێن ئاودراوە بوونى نەمێنێت
گرنگە خەڵکى کوردستان ، هەمیشە چاوکراوە و خۆڕاگر و ئامادەبێ، نەکەوێـت ناو داوى دوژمنانەوە و ئەو راستییەش بزانێت ، پارتى و بارزانى وەک قەڵغان و پارێزەرێک بۆ ئەم گەل و قەوارەیەیە و ئەگەر ئەم ڕێباز و سەرۆکەنەبووایە لە مێژبوو کوردوکوردستان لە دەستى دوژمنان و نەیاران بوو .