ناجح بێجانی
گەلەک یێن ژ هەوە بهێزتر ب ئاگرو ئاسن وجینۆسایدێ نەشیاینە ئیرادا تاکێ کورد بشکێن و خەیالا هەوە خاڤە هەرن دیڕۆکێ باش ب خوینن و فێڕبن ئەڤ مللەتە تەسلیمبوونێ قەبوول ناکن بەرانبەر هەوە، دا
ڤەگەرین شەرێ (١٢)ێ ڕۆژێین دناڤبەرا ئیسرائیلێ و ئیرانێ و گەفێن حەشدا سەر ب ئیرانێ ڤە، بۆچی وی دەمی بێ دەنگ بوون ؟ نەشیان تەڤلیی شەری ب بن دژی ئیسرائیلێ هەر چەندە ب ڕاستوەخۆ پەیام پێ گەهاندبوو هەر لڤینەک دێ ئیراق ب گشتی باجا وێ دەت کون میشک لێ ب بوون قەیسەری ، بەری نۆکە ژی ب دۆرنا هێڕش دکرن سەر هەرێما کوردستانێ لێ دنۆکە دا بەرەف زێدەبوونێ یە دێ هەر مینن گەڤ ژبەرکو بڕیارێ ژ مامۆستایێن خوە وەردگرن پێخوەش نینە هەڕێمەکا ئاڤدان وبهێز هەبت ئەو هزر دکن ل پاشەڕۆژێ مەترسی یە ل سەر وان ، یان ب تنێ داکو شکەستێن خوە پێ ڤەشێرن، چەندین جاران لژنە دورستکرینە بۆ ڤەکولینێ وەسا دیارە دزانن کینەو سەر ب چ گۆروپ ڤەنە ب تایبەتی پشتی ژناڤبرنا ڕاداریێن کو بەحس دکن ژ فرنسا کریبوون تێچوویێ وان د خەملین ب سەدان ملیۆن دولاران بوون، داکو ئاسمانێ ئیراقێ پێ بپاڕێزن، لێ پشتی ئاگربەستا دناڤبەرا ئیرانێ وئیسرائیلێ دا هیرشی ڤان ڕاداراکرن ول پاڕێزگەها تکریت و کرکووکێ ژی چەند جهەک کەفتنە بەر هێڕشا درۆنا داکو هندەک جهێن ژدەرڤە گۆنەهبار بکن، یان ژی پیلانەک هەبوو داکو پشتی هینگێ هەڕێما کوردستانێ ژی بکەڤت بەر هێرشێن وان ، لێ حوکمەتا سوودانی باش دزانن کینە، ئەوی ب خوە ژی پێ هیچ یاسا وڕیسایەک و بێ پاسا ومەهانەیێن خەلکێ کوردستانێ نە فڕێکرن , داکو خەلکێ کوردستانێ هاند بدەن دژی حوکمەتێ ڕاوەستین و هەتا ڕاددەکێ ئەو ژی کەفتبوو دبن باندۆرا ڤان گرۆپاندا ، ژ لایەکێ دیڤە ونەحەزیێن کوردستانێ نە ڤێن کوردستانەک ئارام هەبن ، بەلکو ب ڕێیا درۆنا ژێرخانییا ئابۆریێ کوردستانێ ب ئامانج بگرن و حوکمەت وخەلکێ کوردستانێ بەرانبەر بەغدا ئالایێ سپی بلند بکن ب بەرنامە ، لێ دیسان دزانن خەلکێ کوردستانێ مرن وبرسێ دێ قەبوول کەن لێ تەسلیمبوونێ قەبوول ناکن د ڤێتن ب کەرامەت ل سەر ئەردێ خوە بژین ، لێکتێگەهشتا دناڤبەرا هەردو حوکمەتا دا گرۆڤەیە ل سەر، ڤێجا دێ سەرێ خوە ل سەر دانن و مەرەم وپێلانێن هەوە سەرناگرن ،یا جهێ گۆمان وپێکەنینێ پشتی ڕۆژەکێ ب تنێ و پەسەندکرنا لێکتێگەهشتنێ دناڤبەرا هەدرو حوکمەتا دا گۆتەبێژەک ب ناڤێ فەرماندەییێ هێزیێن چەکدار دا خۆیانیەکا دبێژت: ئەم دزانن و کینە وکی ل پیشتە و جهێ وان مە دەسنیشان کرن هەروەکو ژ سەر بانێ مەریخێ هاتن و ژنووی زانی و دێ دەینە دادگەهێ ، کوردستان ژی دێ ڕۆژ ب رۆژ بەرەڤ ئاڤەدان وئارامیێ بژیت کورد بژیت کوردستان ئالایێ کوردستانێ هەرێ بەرزو بلند بت ل سەر چیایێن کوردستانێ.
