▪  ئایا دێ کاریگەری هەبیت ژ ڕویێ گەشتیاری و ئابووریڤە

بێوارحسێین زێباری ــ هەولێر:

  ئەگەر ئەم خاندنەکێ بکەین بۆ دەوڵەت و دەڤەران دبینن هەر ئێک ژ وانا ژ ڕوییەکێڤە یا زەنگین و ناڤ و دەنگە ، لەوما مە ژی دڤێت زێدەتر خاندنەکا ئابووری و گەشتیاری و دیرۆکی بکەین بۆ هەرێما کوردستانێ کو یا زەنگینە و ناڤ و دەنگەکەک ئێکجار ژی هەیە ، ئەو ژی ل ڤێ داویی دا کو پشتی ئەو شەڕێ هەبوونا پەکەکە و تورکیا، ڕاستە ئەو شەڕە نە یێ ئەڤرۆ و دوهی یە ، بەلێ ئەڤ ساڵە دا زێدەتر د وەختەکێ دایە کو هەم دەم دەمێ سەرەدانا گەشتیارانە و هەم ژی ژ ڕویێ ئابووری ڤە کو ئەڤ دەڤەرێن هەنێ زەنگینن و کەڤتنە بن ئەڤی شەڕی.

تورکیا و پەکەکێ کو زۆر جاران ل جادەیێ دهیێتە بهیستن کو پەکەکە بخۆ ڕێکخۆشکەرەکە بۆ هاتنا تورکیا ..؟ ئەرێ ئەڤ دەستەواژا هەنێ ڕاستە و چەند ڕاستیە ژی ..؟
بێگومان وایە ئەگەر نە پەکەکە بخۆ ب سەر باکوورێ کوردستانێ یە و بلا بچیت وان دەڤەرانە ژێر دەستێ تورکیا ڕزگار بکەت ، ژ هەموو لایەکێ ڤە کەفتیە ژێر دەستێ وان و هەتا بگڕە ژ زمانێ دایکێ نکارن باخڤن ژی.
ئەڤە تنێ نموونەک بچووک بوویە دەربارێ وانا، لێ ئەگەر وەکی مە گوتی ڕاست بکەت بلا بچیتە جهێ خۆ نەک تورکیا زێدەتر بکێشینتە ناڤا ئاخا پیرۆزا کوردستانێ و شەڕێ خۆ لێرە ژی بکەت.
ئەم زێدەتر ئاماژە نادەینە شەڕی ، چونکی یا مە دڤێت تیشک بێخینە سەر هندێ کو ژ ڕویێ ئابووری و گەشتیاری و دیرۆکی ڤە، ئەو ژی نوکە ئەڤ شەڕێ هەنێ مە ئاماژە دایێ ئەوە کو ئەو بخۆ بوویە کاریگەر ل سەر هاتنا ڕێژا گەشتیاران ، لێ دبیت ئەم بێژین ئەڤ ڕێژا هەنێ چ وەسا کێمنەکریە دبیت وەسا بیت، بەلێ ئەڤ شەڕە نەبیت ل دەڤەرێن هەنێ کەواتە ڕێژا دوو جارا هند دبیت زێدەتر قەستا ڤان جهانە کربا .
ژبلی هاتنا ڕێژەکا ئێکجار زۆر ژ ڕویێ ئێمناهیی و سەقامگیریا دەڤەرێ ژی تێکدایە و بوویە سەدەم کو خەلک کێمتر قەستا ڤان جهانە بکەت ، ژ بەرهندێ ژ ڕویێ ئابووری و هەم ژی ڕویێ گەشتیاریڤە بوویە کاریگەری و نە ئارامیەک ژی دروست بوویە لەوما د ڤێت چەند زوویە و دبیت حکومەتا هەرێما چەندین پێنگاڤ هاڤێت بن بۆ ئارامییا دەڤەرێ بەلێ ئەڤ شەڕە ب شەڕەکێ نیڤدەلەوتی دهێیتە قەلەم دان و چەند زوویە پەکەکە خۆ ڤەکێشیی دا زێدەتر زەڕەو زیانێن زێدەتر نەگەهنە خەلکێ سڤیل .
دەڤەرا بەهدینان بکەینە نموونە وەک قەزایێن ئاکرێ و ئامێدییێ، ئەو ژی نوکە دا دەم دەمێ متایێ هشک و پێشتر ژی یێن تەڕ بوویە، کو خەلکێ دەڤەرێن وان ب دروستی و ئارامی نەکاریە قەستا ئاقارێن خۆ بکەن و بۆ دەستڤەئینان بەرهەمێ خۆ یێ چیایی و ڕەز و باغێن خوە، بەرهندێ ئەڤە نیشانە بۆ هندێ کو ژ ڕویێ گەشتیاری و ئابووری ڤە ژی بوویە ئەگەرێ هندێ خەلکێ مە زەڕەرمەند بیت. چەندین کەس ژی بووینە قوربانی کو شەهید و بریندار بووینە .
ئەڤا هەنێ هەموو ئێک بوو ژ ئەگەرێن کاریگەر و بووینە سەدەم ژی بۆ تێکدانا ئارامیا دەڤەرێ، بەلێ نوکە ئەگەرەک دیتر هەیە بۆ هندێ کو کاریگەریا ڕاستەخۆ هەبیت ل سەر هەرێما کوردستانێ گشتی نەتنێ ڕویێ ئابووری و گەشتیاری بیت بەلکو د وارێن دیتر ژی . ئەو ژی هەبوونا دەنگۆیەکێ هەیە بۆ گوهۆرین ب سەر بهایێ ڤیزا تورکی بهێتە کرن.
ئەڤە بەری ئەم بەحس کاریگەریا وێ بکەین، ئەوە ئێکەمجار خەلکانەک هەیە دبێژیت باشبوو ئەرزان بووی ، چونکی چەندین ساڵە مە بەڕە قەستا دەرڤە بکەین شیانێن مە دا نەبیت. لێ ئەڤە تنێ بۆ هندێ کاڤی نینە، چونکی زیانا وێ زێدەتر ژ مفایێ وێ، ئەو ژی ئەوە کو ئەڤ بهایێ هەنێ دبیتە کاریگەریەکا ئێکسەر ل سەر بازاڕی هەبیت ژ هەموو ڕویەکێ ڤە .
ئەڤ بازاڕە ژی لێرە خەلک دێ خوە دەست گرتی کەت بۆ هندێ داهاتەکێ بخو کۆمڤەبکەت بۆ سەرە دانا نموونە تورکیا کو مەگوتی ئەو گوهۆرین د بهایێ ڤیزا واندا بهیتە کرن و چەند دەولەتێن دیتر ژی کارئاسانکاری هاتنە کرن ، دبیت ئەڤە مفایێن خۆ ژی یێن ئابووری و گەشتیاری و بازاڕکرنێ هەبن، بەلێ وەک دیتنەک دبینم زیان و کاریگەریا خۆ زیدەتر ل بازاڕین مە هەبیت.
ئەڤ داهاتێ کەڤیتە دەستێ خەلکێ مە دا لێرە ناهێتە بکارئینان و بازاڕ پێ ناهێتە کرن و دێ بەنە دەرڤە کەواتە ل وی دەمیدا زیان گەهیتە ڤان وارێن مە ئاماژە دایێ کو دڤێتە ئەڤ چەندە بەرچاڤ بهێتە وەرگرتن و مفا ژ وێ چەندا هەنێ ببین.
حکوومەتا کار کریە ،بەلێ دڤێت زێدەتر کار ئاسانکاری بۆ وەلاتیین مە و گەشتیاران بهێتە کرن بۆ هندێ مفایەک بۆ بهێتە دیتن .