هژمارەكا زۆر یا ژنان ل وەڵاتێ ئەفغانستان ل دژی بڕیار و قەید و بەندێن بزاڤا تاڵیبان خۆپێشاندان ئەنجامدان و ل كابۆڵا پایتەخت هژمارەكا زۆر یا ژنان لژێر درویشمێ (ئەم ناترسین .. ئەم داخوازا مافێن خۆ دكەین) ڕژیانە سەر جاددە و گۆڕەپانا.
ئێك ژ نوونەرێن ژنێن خۆپێشاندەر بۆ ئاژانسا (نۆڤۆست) یا رووسی دبێژیت: دەستهەڵاتا تاڵیبان دخوازیت ب سەپاندنا پۆشینا حیجابێ ل جهێن گشتی و بێ بەهركرنا كچ و ژنان ژ خواندن و كاركرنێ، وەسا بۆ ژنان خۆیا بكەت كو ئەفغانستان نە وەڵاتێ وانایە.
دهێتە زانین وەزارەتا بانكخوازی و فەرمان ب چاكی و نەهێلانا خرابیێ، كو وەزارەتەكا ئایینیا سەر ب حكومەتا بزاڤا تاڵیبان ڤەیە، چەندین بڕیارێن نووی ل دژی ژنان ل وی وەڵاتی دەرێخستینە.
وێ وەزارەتێ بڕیاردایە رێ بۆ ژنێن بێ حیجاب ناهێتەدان سواری ترومبێلێن گشتی ببن، یان بچنە خواندنگەهـ و ناڤەند و فەرمانگەهێن حكومی.
Comments are closed, but trackbacks and pingbacks are open.