ب ناڤکرنا زارۆیەکێ ئاریشە بۆ مالباتا شاهنشینا بریتانیا دروستبوویە
شازادە هاری و مێگانا هەڤژینا وی بریار دایە زارۆیێ خوە یێ دویێ ناڤێ وی بکەنە Lilibet، کو ناسناڤێ شاهژنا نوکە یا بریتانیایە، هندەک میدیایان ژی دیارکرییە، ئەڤێ پێنگاڤێ ئاریشەیێن دناڤ مالباتا شاهنشینا بریتانیا دا کوورتر لێکرینە.
سایتێ گاردیان یێ بریتانی دیارکرییە، شازادە هاری و هەڤژینا وی گۆتۆبێژ ل گەل شاهژنا بریتانیا کرینە و هەردو ژی دبێژن، “شاهژنێ خۆشحالی و دوعایێن سەرکەفتنێ بۆ زارۆکی کرینە دەربارەی ناڤێ وی”.
جۆننی دایمۆند، نووچەگەهانێ خێزانا شاهانە ل بی بی سی بەحسا وێیەکێ کر، “شاهژنا بریتانیا تایبەت ب ناڤێ زارۆکی گۆتۆبێژ نەکرینە”، دیار کر ژی، شازادەی و هەڤژینا وی داخوازا مۆلەتێ ژ شاهژنێ نەکرییە بۆ ناڤێ زارۆکی چ مۆلەتەک دەربارەی وێیەکێ پێنەدایە.
پەیوەندیێن شازادەی و هەڤژینا وی ل گەل خێزانا شاهانەیا بریتانیا د پرۆگرامەکێ تەلەفزیۆنی دا، مێگانێ گوت، بەری ژ دایکبوونا ئێکەم زارۆکێ وان (ئارچی) دلگرانیێن ئەندامێن خێزانا شاهانە بلندبوون، دەربارەی وێیەکێ کو پیستێ زارۆکی یێ رەش بیت. تەکەز ل وێیەکێ کریە، “خێزانا شاهانەیا بریتانیا نەشیایە هاریکارا وێ بکەت دەما هەست ب وێیەکێ کری کو پێدڤییە داویێ ب ژیانا خوە بینیت”.
ناسناڤێ Lilibet بۆ ئێکەم جار ل سالێن ١٩٢٠ دا هاتە بکارئینان دەمێ شازادە ئەلیزابێس د دەستپێکا فێربوونا ئاخفتنێ دا بوو و نەدشیا بسەدەما ژیێ زارۆکینیێ ب دروستی ناڤێ خۆ بئینیت.
شازادە هاری، ژ دایکبوویێ سالا ١٩٨٤ یە و دویەمین شازادەیێ شاهنشینا بریتانیایە، ل گۆلانا سالا ٢٠١٩ دگەل مێگان مارکل، ئەکتەرا بەرێ یا ئەمریکی کو ژدەرڤەی مالباتا شاهانەیا بریتانیایە هەڤژینی پێکئینایە.
مێگان مارکل، ب رەگەز ئەمریکیە و ژ دایکبوویا سالا ١٩٨١ یە، چالاکڤانە د وارێ ژنان و جڤاکی دا و د دەمێ بوری دا د چەندین فیلمێن ئەمریکی دا رۆلێ خۆ دیتیە، نوکە شازادەیا سەسکس یا بریتانیە و هەڤژینا شازادە هارییە.
Comments are closed, but trackbacks and pingbacks are open.