خواندنەک بۆ پەرتووکا فلکلوری یا ب ناڤێ (حافزێ ئامێدیێ)

نڤیسین و بەرهەڤکرن: هێرش سالح حاجی
پەرتووکا حافزێ ئامێدیێ یا فلکلوری کوردی ژ ئامادەکرنا (یوسف عبداللە یوسف) ل سالا ٢٠١٩ ب ژمارەیا سپاردنێ (١٩-٢٠٧٦-D)، ل پەرتووکخانەیا گشتی یا بەدرخانیان ل پارێزگەها دهۆکێ هاتییە پەسەندکرن، و ل تەهرانا پایتەختێ ئیرانێ هاتییە چاپکرن.
فلکلوتێ کوردی ئێک ژ فلکلورێن جیهانی یە و تا نوکە هەبوونا خوە پاراستی یە ب چیرۆکێن ب ڤی ڕەنگی، ژبەر وێ چەندێ حافزێ ئامێدیێ دهێتە هژمارتن ئێک ژ پەرتووکێن گرنگ یێن فلکلورێ کوردی یا دەڤەرا بەهدینان.
پەرتووکا حافزێ ئامێدیێ ژ چەندین بابەتان پێک دهێتن، کو هەر بابەتەک چەندین خالێ گرنگ تێدا دهێنە ئاماژەپێکرن. و ئەو خال دبنە ئەگەرێ ئاسانکرنا ژیانێ و ئازراندنا هزری، وەک د ڤان خالێن ل خوارێ دا هاتینە دیارکرن:

• ل دور بابەتێ سوزێ ئەڤێ پەرتووکێ چەندین خالێن گرنگ یێن بجهئینانا سوزێ تێدا هاتینە دیارکرن وەک یا دیار ئێک ژ کارێکتەرێن چیرۆکا فلکوری یا مە بەحسکری کو بەردەوام خودان سۆزە و سوزێن خۆ جێبەجێدکەت، و دڤێت بزانین خودێ چ تشتان نا ئینیتە ڕێکا مە دا ئەگەر د خێرا مە دا نەبیت، ژبەر ڤێ گۆتنێ ئەو هەردەم بەردەوامە ل سەر سوزێن خوە و سوزێن خوە جێبەجێدکەت.
• ئەگەر ئەم ل دور بابەتێن جوگرافی سەحکەنە ئەڤێ چیرۆکا فلکلوری ئاماژێ ب چەندین باژێرێن بەهدینان دکەت کو دیارترین باژێرێ ئامێدیێ یە کو دبیتە پایتەختێ مێرنشینا بەهدینان. د ڤێ چیرۆکێ دا کارێکتەرێ سەرەکی سەرەدانا چەندین باژێرێن جودا جودا دکەت، و شارستانیەتا وان باژێران ددەتە دیارکرن، کو ئەڤە دبیتە ئەگەرێ ئازراندنا چەندین پرسیاران ل سەری مرۆڤی دا کو هزر و بوچوونێن مرۆڤی مەزنتر لێدکەت و شارستانیەتا دیرۆکێ د پارێزیت.
• خالەکا دی یا گرنگ یا د ڤێ چیرۆکا فلکلوری دا هاتیە ئەو ژی مرۆڤی هاندەت بۆ ڕۆنشتن دگەل کەسێن دانعەمر و خودان سەر بوور، و گوهداریکرنا چیرۆک و سەربورێن راستی و ئاشوپی یێن ل دەڤ وانا هاتین پاراستن و ڤەگوهاستن بۆ زارۆکێن ئایندەی.
• گوهداریکرنا کەسێن دونیا دیتی و خودان سەربوور و ئاموژگاریێن وانان، کو دبنە ئەگەرێ وەرگرتنا پتر سەربوران د ژیانێ دا.
• دیڤچوون و لێگەریانا ڕاستیێ، و چاڤتاریبوونا مالێ دوونیایێ و خیانەت ژ هەڤالی بۆ هەڤالی، سەرا دەستڤەئینانا مالەکێ زێدە.
• خودانکرنا دەیک و بابان ب هەژاری، کو ئاماژێ ب کەلتورێ- پەروەردەی یی کوردان دکەت کو هەردەم ڕێز ل دەیک و بابێن خوە دگرن.
• هەروەسان بەحسا دەولەمەندی و هەژاریێ دکەت، و مرۆڤی فیر دکەت کا چاوان سەرەدەریێ دگەل هەردوو بارودوخان کەت.
  د ڤێ پەرتووکێ دا گەلەک بابەتێن گرنگ هاتینە بەحسکرن کو پتریا وانا مە ئاماژە پێدا، و ئێک ژ باشترین پەرتووکێن فلکوری-کوردی یێ دەڤەرا بەهدینان دهێتە نیاسین.