رێڤه‌به‌رێ گشتی یێ گه‌شت و گوزارێ ل پارێزگه‌ها دهۆكێ دیار كر، پلانه‌كا باش بۆ جه‌ژنا نه‌ورۆزا ئه‌ڤ ساله هاتیه دانان و دبێژیت: ب هه‌لكه‌فتا جه‌ژنا نه‌ورۆزێ ڤیسته‌ڤاله‌ك ل ده‌ڤه‌رداریا ئامێدێ دێ هێته ئه‌نجامدان.
د. خه‌یری عه‌لی ئوسۆ، رێڤه‌به‌رێ گشتی یێ گه‌شت و گوزارێ ل پارێزگه‌ها دهۆكێ بۆ رۆژناما ئه‌ڤرۆ گۆت: “ئه‌ڤ ساله بۆ جه‌ژنا نه‌ورۆزێ باشترین تشت ل ئامێدیێ دێ هێته كرن، ئه‌و ژی ڤیسته‌ڤاله‌كا ژ هه‌ژی ل ده‌ڤه‌رداریا ئامێدیێ دێ هێته ئه‌نجامدان، دیسا ل هه‌موو جه‌ژن و هه‌لكه‌فتان ئه‌م پلانان بۆ پێشوازی و خزمه‌تكرنا گه‌شتیاران ددانین، ئه‌ڤ ساله ژی مه بۆ جه‌ژنا نه‌ورۆزێ پلانه‌كا باش دانایه”.
ناڤهاتی ئاشكرا ژی كر كو د سالا 2019ێ دا نێزیكی 500 هزار گه‌شتیاران قه‌ستا پارێزگه‌ها دهۆكێ كربوو، د سالا 2020ێ دا كۆرۆنا هه‌بوو، له‌و ب تنێ نێزیكی 150 هزار گه‌شتیاران هاتبوونه دهۆكێ و د سالا 2021ێ ژی دال رێژا گه‌شتیاران زێده ببوو و گه‌هشتبوو ملیۆنه‌ك و 500 هزار گه‌شتیاران.
رێڤه‌به‌رێ گشتی یێ گه‌شت و گوزارێ ل پارێزگه‌ها دهۆكێ گۆت: “مه دڤێت ئه‌ڤ ساله 2022ێ ئه‌م رێژا گه‌شتیاران زێده‌تر بكه‌ین و مه ل به‌ره بگه‌هینینه پتر ژ دو ملیۆن گه‌شتیاران”.
Comments are closed, but trackbacks and pingbacks are open.