خورشید ئەحمەد سورچی
پشتی کو ل ڕوژا ١٨ دیسەمبەرێ ھەلبژارتێن جڤاتا پارێزگەھێن عێراقێ ب پشکداریا ٦ ملیون عێراقیان بڕێڤەچوو و ڕوژا ١٩ ھەیڤێ ئەنجام ھاتنە بەلافکرن بومە دیاربوو کو ئەو ھێزێن نێزیکی ئیرانێ نە شیان بسەرکەڤن بڤێ چەندێژی دەستھەلاتا ئیرانێ دێ زێدەتر لێھێت دناڤ ئیدارەیا پارێزگەھێن عێراقێ ، ھەر ئێک ژ نووری مالیکی و ھادی عامری و قەیس خەز عەلی سەرکەفتیێن ئێکێ نە د ھەلبژارتنا جڤاتا پارێزگەھێن عێراقێ کو ئەڤەژی پەیامەکا ڕوونا سیاسی بومە دیاردکەت کو ئیدی ئیران ھەژموونا خو یا سیاسی نە بتنێ ژ مەرکەزی بەلکو دناڤ ئیدارە و پارێزگەھێن دی دێ نیشا ئەمریکا و تورکیا و کەنداڤێ عەرەبی دەت .
ئیران د پارێزگەھێن باشورێ عێراقێ بسەرکەڤت ھەروەسا ژ کەرکوکێ ژی ئیران شیا مەترسیێ پەیدابکەت لسەر نفوزا تورکیا کو تورکیا ھەرگاڤ کەرکوک وەک ویلایەتەکا دەولەتا عوسمانی دادنا ، دڤێ ھەلبژارتنێ دا دوو پرسێن گرنگ پەیدادبن ئەوژی ( دەستھەلاتدارێن لایەنگرێن ئیرانێ شیان بسەرکەڤن بسەر ڕیفۆرمخوازێن شیعی ب تایبەت سەدری و پرسا دووێ ھەژموونا ئیرانێ بسەر ھەژموونا تورکیا کەفت ) . لەوڕا دشیان دایە بێژین کو جارەکادی ئیران شیا بسەرکەڤیت د گوڕەپانا ناکۆکیێن ئەقلیمی .
Comments are closed, but trackbacks and pingbacks are open.