وەزیرێ ساخلەمییا ھەرێما کوردستانێ داخوازێ ژ وەلاتییان دکەت ڤاکسینێ بکاربینن و ئاماژەکر، باشترین پێنگاڤ بۆ خوه‌پاراستن ژ کۆرۆنایێ دانانا ڤاکسینێ یە، و د نوکەدا 650 ھزار ڤاکسین ل بەردەستن بۆ دانانێ.
دکتۆر سامان بەرزنجی وەزیرێ ساخلەمییا هه‌رێمێ بۆ ئاژانسا خانی دیارکر، باشترین چارەسەر بۆ خوه پاراستن ژ ڤایرۆسێ کۆرۆنایێ بکارئینانا ڤاکسینێ یە و پێدڤییە ھەموو وەلاتیەک ڤاکسینێ بکاربینن، چونکە دێ مرۆڤى ژ کۆرۆنایێ پارێزیت، ھەتا نوکە ل سەرانسەری ھەرێما کوردستانێ 800 ھزار کەسان قۆرچا ئێکێ وەرگرتییە و 491 هزار کەسان ژی ھەردوو قۆرچێن ڤاکسینێ وەرگرتینە، ڕێژا کەسێن ڤاکسین وەرگرتی گەھشتیە 24%ێ حكومەت کار دکەت ھەتا دووماھییا ئەڤسالە ڕێژا وەرگرتنا ڤاکسینێ بگەھینیتە 40%ێ.
دکتۆر سامان بەرزنجی دیاركر، ھەموو جۆرێن ڤاکسینان ل بەردەست ھەنە و وەلاتی دشێن بێی سرا و ناڤ تۆمارکرن ڤاکسینێ وەربگرن.
گۆت ژى، جوداھی د ناڤبەرا ڤاکسیناندا نینە و ھەموو ڤاکسینەکێ کاریگەری ھەیە، نوکە ل ئیراقێ پێنج ملیۆن ڤاکسین ل کۆگەھان ھەنە و ل ھەرێما کوردستانێ 650 ھزار ڤاکسین ھەنە بۆ بکارئینانێ، هه‌روه‌سا نوكه چەندین تیم ھاتینە پێکئینان ل جھێن گشتی دگەرن بۆ دانانا ڤاکسینێ.
Comments are closed, but trackbacks and pingbacks are open.